Búgin elimizdiń barlyq aimaǵynda praimeriz bastalýyna orai, qazir «Nur Otan» partiiasynyń tóraǵasy N.Nazarbaev jariialaǵan úndeýde «Nur Otan» partiiacy óziniń tarihi jaýapkershiligin sezine otyryp, «Senim. Dialog. Bolashaqqa nyq qadam» baǵdarlamasyn qabyldady. Bileýshi partiiany qaita qaraý nátijesinde búkil elde keń kólemdi praimeriz ótkizilýde. Bul - partiiaishilik sailaý. Bul - naǵyz áleýmettik lift. Konkýrstyq irikteý, jańa ideialar men jobalardy izdeý. Bul ideiany kóptegen tanymal saiasattanýshylar men azamattyq belsendiler qoldady» dep barlyq partiia jaqtastaryn elimiz úshin mańyzdy saiasi sharaǵa belsendi qatysýǵa shaqyrdy.
Sondai aq, búgin Elbasy Baýyrjan Baibekti qabyldap, «partiiaishilik irikteý - praimerizderdiń sapaly ótkizilýin qamtamasyz etý, sondai-aq halyqty onyń maqsattarymen habardar etý óte mańyzdy. Bul bizge Májilis pen máslihat sailaýyna qatysý úshin partiianyń belsendi, saýatty jáne patriot múshelerin anyqtaýǵa múmkindik beredi» dep atap ótti.
Praimeriz - bul jańa liderlerdi anyqtaýǵa arnalǵan partiiaishilik sailaý. Jeńimpazdar barlyq deńgeidegi Májilis pen máslihattar sailaýynda «Nur Otan» tizimine qosyla alady. Kandidattar praimerizge bastaýysh partiia uiymynyń atynan nemese ózin-ózi usyný jolymen de qatysýy múmkin. Bul rette partiianyń qundylyqtaryn ustanatyn jáne sailaý quqyǵy bar kez kelgen azamat úmitker bola alady. Ol úshin praimerizge qatysýshylardy tirkeý merzimi aiaqtalǵanǵa deiin «Nur Otan»-nyń qataryna qosylý kerek. Praimeriz - ishki partiialyq demokratiianyń zamanaýi tetikteriniń biri, ol Elbasynyń jariialaǵan ««Nur Otan» partiiasynyń eń mańyzdy elementi bolyp tabylady. Praimerizdiń negizgi maqsaty - aldaǵy Májilis pen barlyq deńgeidegi máslihattar sailaýyna partiialyq tizimderge engizý úshin qoǵamnyń senimi men qoldaýyna ie bolǵan bedeldi partiia kóshbasshylaryn anyqtaý.
Búgin Partiiaishilik irikteý – "Nur Otan"-nyń praimerizine qatysýshylardy tirkeý bastaldy. Alǵashqy birneshe saǵat ishinde 500-ge jýyq adam praimerizge qatysýǵa niet bildirdi 157 ótinish joldaǵan Qostanai oblysyndaǵy partiialyqtar belsendilik tanytty. Aqmola oblysyndaǵy partiia múshelerinen 110 ótinish kelip tústi. Bastaýysh partiia uiymdary 129 adamdy usynsa, 342 adam (72,6%) - ózin-ózi usynǵan kandidattar.
Sonymen, kandidattardy usyný jáne tirkeý 17 tamyzdan bastalyp, 28 tamyzǵa (qosa eseptegende) deiin jalǵasady. Úmitkerlerge úgit-nasihat jumystaryna daiyndalý úshin 7 kún beriledi - 31 tamyzdan 6 qyrkúiekke deiin.
Osyǵan bailanysty partiia Tóraǵasynyń tapsyrmasy boiynsha onlain-formatta daýys berý úshin platforma ázirlendi. «Praimeriz» júiesi turǵyndarmen keri bailanysty barynsha kúsheitýdi, jalpy jurtshylyqtyń pikirlerin eskere otyryp, túrli bastamalar men zań jobalaryn onlain-talqylaý múmkindigin kózdeidi.
Aita keteiik, buǵan deiin «Nur Otan» partiiasy praimeriz ótkizý, sondai-aq, kandidattarǵa uiymdastyrýshylyq jáne quqyqtyq qoldaý kórsetý máseleleri boiynsha 8 (800) 080 4441 arnaiy jelini iske qosqan bolatyn. Sońǵy 2 aidyń ózinde atalǵan jelige 15 myńǵa jýyq qońyraý túsken. Olardyń ishinde ótinish bildirgenderdiń jartysynan kóbi 30 ben 44 jas aralyǵyndaǵy adamdar.
Merýert Týlebaeva, saiasattanýshy
.jpeg)