QR Prezidenti janyndaǵy Ulttyq qoǵamdyq senim keńesiniń múshesi, saiasattanýshy Erlan Sairov «Praimeriz ádil ótpedi» degen pikirlerge jaýap berdi, dep habarlaidy QazAqparat.
«Praimeriz óziniń rólin tolyqqandy oryndady. Biz bir nárseni túsinýimiz kerek, bul Praimeriz Qazaqstannyń búkil áleýmettik, ekonomikalyq nemese qoǵamdyq-saiasi máselesin sheship tastaityn ádis-tásil emes. Praimeriz – elimizde demokratiianyń alǵyshartyn jasaýǵa arnalǵan eń negizgi birinshi qadam. Árine, birinshi qadam bolǵandyqtan, onda kóptegen kemshilikter, shalys qadamdar bolady jáne bola beredi», - dedi saiasattanýshy QR Prezidenti janyndaǵy Ortalyq kommýnikatsiialar qyzmetinde.
Spiker áleýmettik jelide belsendi bolǵan úmitkerlerdiń ne úshin jeńilgenin túsindirdi.
«Men ózim áleýmettik jelini qoldanamyn, onda óz oiymdy ashyq jazamyn. Biraq bizdiń elimizde áleýmettik jelini paidalaný men naqty saiasi protsess - eki bólek nárse. Áleýmettik jelide 10-20 myń oqyrmany bar nemese myńdaǵan laik jinaityn azamattar qoǵamdyq protseske kelgende jeńilip qalýy yqtimal. Óitkeni, qazir elektorat daýys beredi. Al endi «Nur Otan» partiiasynyń elektoraty – dástúrli túrde muǵalim, dáriger jáne iri kásiporyndardyń jumysshylary, solardyń injenerlik quramy. Ol kisiler áleýmettik jelide otyrmaidy. Sondyqtan, áleýmettik jelide kóp jumys istegen azamattar óz kúshin osy naqty muǵalimder men dárigerlermen jumysqa jumsaýy kerek edi. Biz osyny túsinip, liga bir ai boiy Qazaqstandaǵy kóptegen jastarǵa saiasi tehnologiiany qalai júrgizý kerektigi týraly seminar ótkizdik. Men ózim sabaq berdim. Soǵan qatysqan kóptegen azamattar jeńip ketti. Iaǵni, búgingi tańda praimeriz degenimiz – eń aldymen joba. Budan keiin de kóptegen jobalar bola beredi. Árine, biraz kemishilikter boldy. Kóptegen adamdar tikelei halyq daýys beredi dep oilap, áleýmettik jelide jumys istedi», - dedi E. Sairov.
Sonymen birge, saiasattanýshy ishki sailaýda jeńbegen azamattarǵa úndeý jasady.
«Saiasatpen ainalysý – ómir boiǵy protsess. Búgin jeńiledi, erteń jeńedi. Bizdiń aldymyzda elektoraldyq tsikl tur. Parlament pen Májilis ótken soń, jazda aýyldyq deńgeidegi ákimderdiń tikelei sailaýy bolady. Menińshe, qazirgi azamattyq Praimerizge qatysý – sol ákimdik sailaýǵa úlken daiyndyq bolýy kerek», - dedi Erlan Sairov.
«Nur Otan» partiiasynyń hatshysy Arman Qyryqbai «Praimeriz 2020» ishki partiialyq irikteýiniń negizgi qorytyndysyn baiandady.
Onyń aitýynsha, praimerizge uzyn sany 10 990 kandidat qatysqan jáne onyń 7 143-i ózin-ózi usynǵan. Úmitkerlerdiń ortasha jasy – 43. Onyń 36,7% astamy – áielder, 29% – 35 jasqa deiingi jastar boldy.
.jpeg)