Senbide Praga ortalyǵynda Chehiiada koronavirýsqa bailanysty kúshine engen qatań áleýmettik shekteýlerge qarsy ruqsat etilmegen narazylyq aktsiiasy kezinde politsiia qyzmetkeri jaraqat aldy. Bul týraly jýrnalisterge respýblika politsiiasynyń ókili Violeta Sirjishtova málim etti, dep habarlaidy TASS agenttigi.
«Bastalǵannan keiin kóp uzamai taratylǵan Vatslav alańyndaǵy ruqsat etilmegen mitingtiń eki qatysýshysy politsiia qyzmetkerine shabýyl jasady. Politsiia qyzmetkeri jaraqat aldy. Shabýyl jasaǵan er adam men kelinshek ustaldy», - dedi ol.
Sirjishtova atap ótkendei, qyzmettik mindetterin oryndap júrgen politsiia qyzmetkerine shabýyl jasaǵany úshin olarǵa qylmystyq aiyp taǵylady. Eger sot kináli dep tanyǵan jaǵdaida, ustalǵandar uzaq merzimge bas bostandyǵynan aiyrylady. Politseidiń alǵan jaraqatynyń sipaty týraly aqparat joq.
