سەنبٸدە پراگا ورتالىعىندا چەحييادا كوروناۆيرۋسقا بايلانىستى كٷشٸنە ەنگەن قاتاڭ ەلەۋمەتتٸك شەكتەۋلەرگە قارسى رۇقسات ەتٸلمەگەن نارازىلىق اكتسيياسى كەزٸندە پوليتسييا قىزمەتكەرٸ جاراقات الدى. بۇل تۋرالى جۋرناليستەرگە رەسپۋبليكا پوليتسيياسىنىڭ ٶكٸلٸ ۆيولەتا سيرجيشتوۆا مەلٸم ەتتٸ, دەپ حابارلايدى تاسس اگەنتتٸگٸ.
«باستالعاننان كەيٸن كٶپ ۇزاماي تاراتىلعان ۆاتسلاۆ الاڭىنداعى رۇقسات ەتٸلمەگەن ميتينگتٸڭ ەكٸ قاتىسۋشىسى پوليتسييا قىزمەتكەرٸنە شابۋىل جاسادى. پوليتسييا قىزمەتكەرٸ جاراقات الدى. شابۋىل جاساعان ەر ادام مەن كەلٸنشەك ۇستالدى», - دەدٸ ول.
سيرجيشتوۆا اتاپ ٶتكەندەي, قىزمەتتٸك مٸندەتتەرٸن ورىنداپ جٷرگەن پوليتسييا قىزمەتكەرٸنە شابۋىل جاساعانى ٷشٸن ولارعا قىلمىستىق ايىپ تاعىلادى. ەگەر سوت كٸنەلٸ دەپ تانىعان جاعدايدا, ۇستالعاندار ۇزاق مەرزٸمگە باس بوستاندىعىنان ايىرىلادى. پوليتسەيدٸڭ العان جاراقاتىنىڭ سيپاتى تۋرالى اقپارات جوق.
