18 qazanda Chehiia astanasy Pragada karantin sharalaryna qarsylyq bildirgen júzdegen fýtbol jáne hokkei jankúieri politsiiamen qaqtyǵysyp qaldy.
Jeksenbi kúni shamamen eki myń adam qala ortalyǵyndaǵy Staromest alańyna jinalǵan. Aktsiiaǵa qatysýshylar sany ruqsat etilgen mejeden asyp túskendikten qala biligi sharanyń retsiz ótip jatqanyn habarlaǵan. Biraq politsiia jinalǵandardy taratpaitynyn málimdegen.
Alaida aktsiia aiaqtalǵan soń oǵan qatysýshylar politsiia shebin buzyp ótýge tyrysty, politseilerge tas, aýyr zattar laqtyrǵan. Al politsiia sý shashyp, rezeńke taiaq qoldanǵan. Ondaǵan adam ustalǵan, zardap shekkender de bar.
Kóshede kúsh qoldanýdy premer-ministr men oppozitsiialyq saiasatkerler de aiyptady.
Narazylar negizinen koronavirýsqa bailanysty Chehiia úkimeti engizgen karantin sharalaryna qarsylyq bildirgen. Buǵan qosa, fýtbol jáne hokkei birinshiligi boiynsha ótetin matchtardyń kórsetilmeýine de narazy bolǵan.
Elde mádeni oryndar, bar, meiramhana, mektepter jabylǵan. Biraq adamdardyń kóshede júrýine shekteý engizilmegen. Dúkender men saýda oryndary istep jatyr.
Chehiiada qyrkúiek aiynda koronavirýs juqtyrǵandar kúrt kóbeigen. Shamamen 10,6 mln halqy bar Shyǵys Eýropadaǵy memleket Covid-ke shaldyqqandar sany boiynsha álemde aldyńǵy orynǵa shyqqan. Kún saiyn shamamen 10 myń adamnan koronavirýs tabylady. Bul Chehiia halqynyń 0,1 paiyzyna teń. Bilik bul sharalar koronavirýstyń taraýyn báseńdetedi dep sanaidy.
