9 qarasha men 31 jeltoqsan aralyǵynda avtomat arqyly temir jol biletin komissiiasyz rásimdeý aktsiiasy iske qosyldy, dep habarlaidy "Ult aqparat".
Búginde temirjol biletterin «Jolaýshylar tasymaly» AQ 165 bilet kassasynan, shamamen 3 myńdai agenttik kassalarynan, sonyń ishinde Amadeýs saýda oryndary men poshta bólimshelerinen, «QTJ» UK» AQ bilet.railways.kz saitynan, sondai-aq «QTJ bileti» mobildi qosymshasyn qosqanda 15 internet saittan satyp alýǵa bolady.
Budan basqa, temirjol biletterin vokzal aýmaǵynda jáne odan tys ornatylǵan shamamen 30 myńdai ózine-ózi qyzmet kórsetý avtomattarynan («Kassa-24» i «QIWI») satyp alýǵa múmkindik bar. Internet jáne ózine-ózi qyzmet kórsetý avtomattary arqyly temirjol biletterin onlain satý úlesi turaqty ósim tendentsiiasymen 47% quraidy.
«Temirjol biletin satý júiesin jetildirý sheńberinde birneshe jańashyldyqtar bar ekenin qaperge salamyz. Mysaly, múgedektigi bar tulǵalar bilet.railways.kz saity arqyly temirjol biletin jeńildikpen satyp ala alady. Sonymen qatar, bilet.railways.kz saity «Kaspi bank» AQ protsessingimen tolyqtyryldy jáne de buryndary bilet kassalarynan POS-terminal arqyly tólenip qoiǵan temirjol biletin qaitarý kezinde jolaýshy kartasyna aqshany avtomatty túrde qaitarý fýnktsiiasy júzege asyryldy» delingen habarlamada.
Sondai-aq Touch ID jáne Pin-kod – saýsaq izi kómegimen «QTJ bileti» mobildi qosymshasy qoldanýshylaryn aýtentifikatsiialaý fýnktsiiasy iske qosyldy.
Ótken jyldan beri bilet bolmaǵan kezde tirkelýge jáne kezek tártibimen bilet satyp alýǵa múmkindik beretin elektrondyq «Kútý paraqshasy» fýnktsiiasy jumys istep tur.
«QTJ» UK» AQ temirjol biletterin satyp alý úshin onlain júieni paidalanýǵa keńes beredi.
