Kólik politseileri júk vagonynan quny 600 myń teńgege jýyq taýardy urlaǵan temirjol jumysshylaryn ustady, dep habarlaidy "Ult aqparat".
«2019 jyldyń 10 jeltoqsanynda Qostanai stantsiiasyndaǵy jelilik politsiia bólimine jaýapkershiligi shekteýli seriktesterdiń biriniń ókili shaǵymdanyp kelgen. Onyń aitýynsha, «QHR - Qostanai» baǵytynda kele jatqan júk poiyzynyń vagondarynyń birinen mindal salynǵan 75 qorapty belgisiz bireýler urlap ketken. Kólik politseileri jedel-izdestirý is-sharalaryn júrgizý barysynda 30 ben 48 jas arlyǵyn quraityn bes er azamatty anyqtap, ustady», - dep habarlaidy Kóliktegi politsiia departamentiniń baspasóz qyzmetinen.
Tekserý barysynda ustalǵandardyń Qaraǵandy oblysynan ekeni anyqtalǵan. Tipti olardyń bári temirjol uiymynyń qyzmetkerleri bolyp shyqty.
Keltirilgen shyǵyn somasy 590 759 teńgeni qurap otyr. Jaýap alý kezinde kúdiktiler óz kinálaryn moiyndady. Aiǵaqty zattar tárkilenip alyndy.
«Atalǵan fakt QR QK-niń 188-baby 3-bóligi, iaǵni urlyq faktisi boiynsha sotqa deiingi tergep-tekserýdiń biryńǵai reestrine tirkeldi. Qazirgi ýaqytta ustalǵan azamattardyń buryn jasalǵan qylmystarǵa qatysy bar-joǵy anyqtalýda», - dep habarlaidy departamentten.
