Polshada prezident sailaýynyń ekinshi kezeńi ótýi múmkin, ekzitpol málimetterine qarap osyndai qorytyndy jasaýǵa bolady, dep habarlaidy Euronews.com.
Keshe, 28 maýsymda Polshada prezident sailaýy ótti. Jergilikti ýaqyt boiynsha túske deiin sailaýshylardyń 24 paiyzy daýys berip úlgergen. Ortalyq sailaý komitetiniń málimetinshe, bul - burnaǵy jyldarmen salystyrǵanda rekord. Sailaýǵa qatysyp jatqan 11 kandidattyń bári ýchaskege kelip, daýys berdi. Onyń arasynda eldiń qazirgi prezidenti Andjei Dýda da bar.
Ony bilik partiiasy - «Quqyq pen ádildik» qoldap otyr. Ekzitpoldaǵy sailaýshylardyń saýalnama nátijesine kóz salsaq, eldiń qazirgi basshysy Andjei Dýda shamamen daýystyń 42% jinaidy, al onyń qarsylasy - Varshavanyń meri Rafal Tshaskovskii 30% daýys jinap, ekinshi orynǵa turaqtaidy. Jalpy, sailaýdyń ekinshi týry 12 shildege josparlanǵan.
