پولشادا پرەزيدەنت سايلاۋىنىڭ ەكٸنشٸ كەزەڭٸ ٶتۋٸ مٷمكٸن, ەكزيتپول مەلٸمەتتەرٸنە قاراپ وسىنداي قورىتىندى جاساۋعا بولادى, دەپ حابارلايدى Euronews.com.
كەشە, 28 ماۋسىمدا پولشادا پرەزيدەنت سايلاۋى ٶتتٸ. جەرگٸلٸكتٸ ۋاقىت بويىنشا تٷسكە دەيٸن سايلاۋشىلاردىڭ 24 پايىزى داۋىس بەرٸپ ٷلگەرگەن. ورتالىق سايلاۋ كوميتەتٸنٸڭ مەلٸمەتٸنشە, بۇل - بۇرناعى جىلدارمەن سالىستىرعاندا رەكورد. سايلاۋعا قاتىسىپ جاتقان 11 كانديداتتىڭ بەرٸ ۋچاسكەگە كەلٸپ, داۋىس بەردٸ. ونىڭ اراسىندا ەلدٸڭ قازٸرگٸ پرەزيدەنتٸ اندجەي دۋدا دا بار.
ونى بيلٸك پارتيياسى - «قۇقىق پەن ەدٸلدٸك» قولداپ وتىر. ەكزيتپولداعى سايلاۋشىلاردىڭ ساۋالناما نەتيجەسٸنە كٶز سالساق, ەلدٸڭ قازٸرگٸ باسشىسى اندجەي دۋدا شامامەن داۋىستىڭ 42% جينايدى, ال ونىڭ قارسىلاسى - ۆارشاۆانىڭ مەرٸ رافال تشاسكوۆسكيي 30% داۋىس جيناپ, ەكٸنشٸ ورىنعا تۇراقتايدى. جالپى, سايلاۋدىڭ ەكٸنشٸ تۋرى 12 شٸلدەگە جوسپارلانعان.
