Túrkistanda tártip saqshysyna jol qozǵalysy erejelerin óreskelbuzyp, ony jasyrý úshin para bermekshi bolǵan júrgizýshi ustaldy, dep habarlaidy "Ult aqparat".
Naqtyraq aitsaq, qala turǵyny «Vaz-2107» markaly avtokóligimen qos syzyqty qiyp ótip, qarama-qarsy baǵytqa shyǵyp ketken.
Óziniń qyzmettik mindetin atqaryp júrgen Túrkistan QPB PPR-nyń inspektory politsiia aǵa leitenanty Batyr Alimov, júrgizýshige zańdy shara kórý maqsatynda QR ÁQBtK-niń 596-baby «Kólik quralyn joldyń júrý bóliginde ornalastyrý, qarsy júrip ótý nemese basyp ozý qaǵidalaryn buzý» boiynsha hattama toltyrady. Odan ári kóligin aiypturaqqa qoiý kezinde júrgizýshiniń ákesi kelip, ulynyń mashinasyn aiypturaqtan shyǵarýǵa jáne ákimshilik quqyq buzýshylyq týraly hattamany toltyrmaýǵa qatysty ótinish aityp, aqsha usynady. Turǵynnyń bul zańsyz áreketteri tártip saqshylarynyń beinejetondaryna tirkelgen.
Quqyqbuzýshy óz kinásin tolyq moiyndap, oǵan qatysty QR ÁQBtK-niń 596-babymen hattama toltyrylǵan. Odan bólek, para usynǵan turǵynǵa qatysty QR QK-niń 367-baby 1-bóligi «Para berý» boiynsha sotqa deiingi tergeý amaldary júrgizilýde.
