Foto: Polisia.kz
Elimizde “STOP-trafik” kezekti respýblikalyq jedel-profilaktikalyq is-sharasy ótkizildi, – dep habarlaidy Polisia.kz saity.
Operatsiia barysynda 39 qylmys anyqtaldy:
• aǵza saýdasynyń 1 faktisi;
• eńbekke tartý maqsatynda zańsyz bas bostandyǵynan aiyrýdyń 3 faktisi;
• adam saýdasynyń 7 faktisi;
• jezókshelikpen ainalysýǵa tartýdyń 4 faktisi;
• priton ustaý jáne jeńgetailyqtyń 24 faktisi.
Almaty oblysynda uiymdasqan qylmysqa qarsy kúres basqarmasynyń qyzmetkerleri jańa týǵan balany satý faktisin anyqtady.
Oblystyń 24 jastaǵy turǵyny júktiliktiń jetinshi aiynda áleýmettik jelide balany satý týraly habarlandyrý jariialap, satyp alýshylardy izdeýmen ainalysqan.
Sońynda ol balalary joq erli-zaiyptylardy taýyp, olarmen kelisim jasaǵan. Satyp alýshy tarap áieldiń nesielik qaryzdaryn ótep bermek bolǵan.
Bul fakt “Kámeletke tolmaǵandar saýdasy” baby boiynsha tirkeldi, sotqa deiingi tergeý bastaldy. Kúdikti qamaýǵa alyndy.
Shymkentte jańa týǵan náresteni saýdalaýdyń taǵy bir faktisi tirkeldi.
– Uiymdasqan qylmysqa qarsy kúres basqarmasynyń qyzmetkerleri 23 jastaǵy jas áieldiń óz balasyn satpaq bolyp, satyp alýshylardy izdeýmen ainalysqanyn anyqtady. Ol deldal arqyly basqa oblystyń 45 jastaǵy turǵynyn tapqan. Fakt Qylmystyq kodekstiń 135-baby boiynsha tirkeldi, sotqa deiingi tergeý bastaldy. Bala sábiler úiine ornalastyryldy. Kúdikti qamaýǵa alyndy, – dedi QR IIM uiymdasqan qylmysqa qarsy kúres departamentiniń bastyǵy Qanat Nurmaǵambetov.
