Foto: telegram/Jagdai
Almaty oblysynda jaiaý júrginshiler ótkelinde balany kólik qaǵyp ketti, dep habarlaidy Ult.kz Jagdai telegram arnasyna silteme jasyp.
Jol-kólik oqiǵasy 8 jeltoqsanda Kóksai aýylyndaǵy Arai kóshesinde boldy. Bala jaiaý júrginshiler ótkeli arqyly joldan júgirip ótip bara jatqan sátinde jeńil avtokólik qaǵyp ketken.
Týystarynyń aitýynsha, zardap shekken bala aýrýhanaǵa óz kúshterimen jetkizilgen, al politsiia oqiǵany birden tirkemegen.
Balanyń jaqyndarynyń sózinshe, kólik júrgizýshisi qysym kórsetip, shaǵymnan bas tartý týraly ótinish jazýdy talap etken. Otbasy balanyń anasy kópbalaly ekenin jáne balalardy jalǵyz ózi tárbielep otyrǵanyn atap ótti.
Politsiia ókilderi júrgizýshiniń áreketterinen kiná belgileri baiqalatynyn málimdedi. Zardap shekken balanyń emi aiaqtalǵannan keiin saraptama júrgizilip, zańda kózdelgen sharalar qabyldanady.
