Politseiler suńqardy 1,5 million teńgege satpaqshy bolǵan astanalyqty ustady, - dep habarlaidy kaz.tengrinews.kz tilshisi elordalyq IID baspasóz qyzmetine silteme jasap.
"28 tamyzda shamamen saǵat 11.15-te Astana qalasy "Almaty" aýdandyq IIB kriminaldyq politsiia qyzmetkerleri suńqar qusty satpaqshy bolǵan 35 jastaǵy jergilikti turǵyndy ustady", - delingen habarlamada.
Politsiiaǵa óńirlik "Ohotzooprom" ÓB" respýblikalyq memlekettik mekemesiniń ókilderi habar bergen. Olardyń aitýynsha, Jelide Qyzyl kitapqa engizilgen qustardyń biriniń satylyp jatqany jaily habarlama paida bolǵan. Qustyń baǵasy 1,5 million dep kórsetilgen.
Bul derek QR Qylmystyq kodeksiniń 339-babynyń 1-bóligi boiynsha ("Ósimdikterdiń nemese janýarlardyń sirek kezdesetin jáne quryp ketý qaýpi tóngen, sondai-aq paidalanýǵa tyiym salynǵan túrlerimen, olardyń bólikterimen nemese derivattarymen zańsyz ainalysý") sotqa deiingi biryńǵai tergeý reestrine tirkeldi.
Astana qalalyq IID ókilderiniń aitýynsha, qazirgi ýaqytta qustar "Ohotzooprom" ÓB" respýblikalyq memlekettik mekemesine jiberildi.
