Jambyl oblysy politsiia departamenti aimaqtaǵy Qordai aýdany Masanchi aýylynda turǵyndar arasynda janjal bolǵanyn rastady.
Qazir departamenttiń tergeý basqarmasy aimaqtaǵy turǵyndar arasyndaǵy tóbeleske bailanysty tergeý bastaǵanyn habarlady. Sotqa deiingi tergeý Qylmystyq kodekstiń "Buzaqylyq" baby boiynsha júrgiziledi.
Departamenttiń aqparatynsha, 7 aqpanda Qordai aýdany Masanchi aýylynda turǵyndar arasynda janjal shyqqan. Organ tóbeleske ne túrtki bolǵanyn aitpady.
"Politseiler janjaldy toqtatty. Jaǵdai qazir baqylaýda" dep málimdedi departament.
Vedomstvo janjal shyǵarǵandar men tóbeleskenderdi anyqtap jatqanyn habarlady.
WhatsApp messenjerinde "Qordaida túsirilgen videolar" dep taraǵan kadrlarda órtengen ǵimarat, jaryǵy synǵan kólikter, politsiia kólikteri baiqalady. Videonyń Qordaida túsirilgen-túsirilmegenin anyqtaý múmkin bolmady.
Jambyl oblystyq politsiia departamenti jurtty "tek resmi aqparatqa senýge, jelide taraǵan aqparattarǵa senbeýge shaqyryp, jalǵan aqparat taratqandar jaýapqa tartylatynyn" eskertti.
