Ishki ister ministrligi Qyzylorda oblysynda ustalǵan politsei basshylardyń qylmystyq isteri týraly aqparat taratty, dep habarlaidy Sputnik Qazaqstan.
Ministrliktiń ózindik qaýipsizdik departamentiniń bastyǵy Arman Sadanovtyń aitýynsha, Qyzylorda oblysynda esirtki qylmysyna qarsy is-qimyl basqarmasynyń burynǵy basshysy 15 jylǵa sottaldy. Ol qarasorany ósirgen qylmyskerlerge qamqorshylyq jasaǵan.
"Bizdiń tergeýimiz boiynsha Qyzylorda oblystyq politsiia departamentiniń esirtki qylmysyna qarsy is-qimyl basqarmasynyń burynǵy basshysy Myrzaqasymov 15 jylǵa bas bostandyǵynan aiyryldy", – dedi Sadanov ishki ister ministrliginiń baspasóz ortalyǵynda ótken onlain brifingte.
Budan bólek, politseiler marihýananyń iri partiiasyna qatysy bar taǵy bir qylmystyq toptyń zańsyz áreketin áshkereledi. Tipti, zańsyz qarý-jaraq ta tárkilendi. Oǵan da politsiia basshylarynyń qatysy bar bolyp shyqty.
"Tintý sharalary barysynda 12 keliden astam esirtki tárkilendi. Odan keiin Qyzylorda oblystyq politsiia departamentiniń basqarma basshysy men onyń qol astyndaǵy qyzmetkeri qylmystyq jaýapkershilikke tartpaǵany úshin 7 million teńge kóleminde parany alǵan kezde ustaldy. Qazirgi kezde olarǵa qatysty tergeý sharalary jalǵasyp jatyr. Jaqyn arada is materialdary sotqa joldanady", – dep atap kórsetti Sadanov.
Onyń sózine qaraǵanda, jaýapqa tartylǵan barlyq politseiler jumystan bosatyldy. Budan bólek, Qyzylorda oblystyq politsiia departamenti basshysynyń orynbasary men taǵy úsh basshy qyzmetten ketti.
Búgingi onlain brifingte qylmystyq topty ustaý operatsiiasynyń videosy da jariialandy. Ony 37:30-dan bastap kórýge bolady.
