ٸشكٸ ٸستەر مينيسترلٸگٸ قىزىلوردا وبلىسىندا ۇستالعان پوليتسەي باسشىلاردىڭ قىلمىستىق ٸستەرٸ تۋرالى اقپارات تاراتتى, دەپ حابارلايدى Sputnik قازاقستان.
مينيسترلٸكتٸڭ ٶزٸندٸك قاۋٸپسٸزدٸك دەپارتامەنتٸنٸڭ باستىعى ارمان سادانوۆتىڭ ايتۋىنشا, قىزىلوردا وبلىسىندا ەسٸرتكٸ قىلمىسىنا قارسى ٸس-قيمىل باسقارماسىنىڭ بۇرىنعى باسشىسى 15 جىلعا سوتتالدى. ول قاراسورانى ٶسٸرگەن قىلمىسكەرلەرگە قامقورشىلىق جاساعان.
"بٸزدٸڭ تەرگەۋٸمٸز بويىنشا قىزىلوردا وبلىستىق پوليتسييا دەپارتامەنتٸنٸڭ ەسٸرتكٸ قىلمىسىنا قارسى ٸس-قيمىل باسقارماسىنىڭ بۇرىنعى باسشىسى مىرزاقاسىموۆ 15 جىلعا باس بوستاندىعىنان ايىرىلدى", – دەدٸ سادانوۆ ٸشكٸ ٸستەر مينيسترلٸگٸنٸڭ باسپاسٶز ورتالىعىندا ٶتكەن ونلاين بريفينگتە.
بۇدان بٶلەك, پوليتسەيلەر ماريحۋانانىڭ ٸرٸ پارتيياسىنا قاتىسى بار تاعى بٸر قىلمىستىق توپتىڭ زاڭسىز ەرەكەتٸن ەشكەرەلەدٸ. تٸپتٸ, زاڭسىز قارۋ-جاراق تا تەركٸلەندٸ. وعان دا پوليتسييا باسشىلارىنىڭ قاتىسى بار بولىپ شىقتى.
"تٸنتۋ شارالارى بارىسىندا 12 كەلٸدەن استام ەسٸرتكٸ تەركٸلەندٸ. ودان كەيٸن قىزىلوردا وبلىستىق پوليتسييا دەپارتامەنتٸنٸڭ باسقارما باسشىسى مەن ونىڭ قول استىنداعى قىزمەتكەرٸ قىلمىستىق جاۋاپكەرشٸلٸككە تارتپاعانى ٷشٸن 7 ميلليون تەڭگە كٶلەمٸندە پارانى العان كەزدە ۇستالدى. قازٸرگٸ كەزدە ولارعا قاتىستى تەرگەۋ شارالارى جالعاسىپ جاتىر. جاقىن ارادا ٸس ماتەريالدارى سوتقا جولدانادى", – دەپ اتاپ كٶرسەتتٸ سادانوۆ.
ونىڭ سٶزٸنە قاراعاندا, جاۋاپقا تارتىلعان بارلىق پوليتسەيلەر جۇمىستان بوساتىلدى. بۇدان بٶلەك, قىزىلوردا وبلىستىق پوليتسييا دەپارتامەنتٸ باسشىسىنىڭ ورىنباسارى مەن تاعى ٷش باسشى قىزمەتتەن كەتتٸ.
بٷگٸنگٸ ونلاين بريفينگتە قىلمىستىق توپتى ۇستاۋ وپەراتسيياسىنىڭ ۆيدەوسى دا جارييالاندى. ونى 37:30-دان باستاپ كٶرۋگە بولادى.
