Foto: Polisia.kz
Almaty oblysy Balqash aýdanynda áieldi kólik qaǵyp, ol oqiǵa ornynda kóz jumdy, dep habarlaidy Ult.kz.
Áleýmettik jelilerde taraǵan aqparatqa sáikes, 38 jastaǵy áieldi kólik qaǵyp ketken. Keibir derekkózderde rólde onyń kúieýi — politsiia qyzmetkeri bolǵany aitylǵan.
Oqiǵaǵa bailanysty Almaty oblystyq politsiia departamenti resmi málimdeme jasady.
Politsiia málimetinshe, áieldi qaǵyp ketken degen kúdikpen 37 jastaǵy er adam ustalyp, ýaqytsha ustaý izoliatoryna qamalǵan.
— Oqiǵa saldarynan áiel alǵan jaraqattarynan sol jerde kóz jumdy. Atalǵan derek boiynsha qylmystyq is qozǵaldy. Qazirgi ýaqytta istiń barlyq mán-jaiyn jan-jaqty jáne obektivti anyqtaýǵa baǵyttalǵan tergeý amaldary júrgizilýde, — dep habarlady vedomstvo.
Sondai-aq tergeý barysy departament basshylyǵynyń erekshe baqylaýyna alynǵan.
Politsiia ókilderi Qylmystyq-protsestik kodekstiń 201-babyna sáikes ózge aqparat jariia etilmeitinin atap ótti.
