Almaty politseileri áinegine Z árpi jabystyrylǵan kólikti tekserip jatyr. Bul týraly qalalyq IIB bastyǵynyń orynbasary Rýstam Ábdirahmanov aitty, - dep habarlaidy Tengrinews.kz tilshisi.
Instagram jelisin qoldanýshylardyń biri Stories-te artqy áineginde Z áripi bar kóliktiń sýretin jariialady.
Kadrlarǵa qaraǵanda almatylyq nómiri bar jeńil kólik Sátbaev kóshesinde sýretke túsirilgen. Sýret avtory Rýstam Ábdirahmanovtan kólik iesin tabýdy surady. PD bastyǵynyń orynbasary sýretke qatysty pikir bildirdi.
"Osy derek boiynsha tekseristi bastadyq. Avtokólik iesiniń is-áreketi Qazaqstan Respýblikasynyń zańnamasyna sáikes kele me degen suraq boiynsha tekseris júrgizip, sondai-aq, áripti jabystyrýynyń basty maqsaty qandai bolǵanyn anyqtaimyz", - dep túsindirdi Ábdirahmanov.
BAQ málimetinshe, Ýkrainadaǵy arnaiy operatsiiaǵa qatysqan reseilik áskeri tehnikada da osyndai belgi bar.
