الماتى پوليتسەيلەرٸ ەينەگٸنە Z ەرپٸ جابىستىرىلعان كٶلٸكتٸ تەكسەرٸپ جاتىر. بۇل تۋرالى قالالىق ٸٸب باستىعىنىڭ ورىنباسارى رۋستام ەبدٸراحمانوۆ ايتتى, - دەپ حابارلايدى Tengrinews.kz تٸلشٸسٸ.
Instagram جەلٸسٸن قولدانۋشىلاردىڭ بٸرٸ Stories-تە ارتقى ەينەگٸندە Z ەرٸپٸ بار كٶلٸكتٸڭ سۋرەتٸن جارييالادى.
كادرلارعا قاراعاندا الماتىلىق نٶمٸرٸ بار جەڭٸل كٶلٸك سەتباەۆ كٶشەسٸندە سۋرەتكە تٷسٸرٸلگەن. سۋرەت اۆتورى رۋستام ەبدٸراحمانوۆتان كٶلٸك يەسٸن تابۋدى سۇرادى. پد باستىعىنىڭ ورىنباسارى سۋرەتكە قاتىستى پٸكٸر بٸلدٸردٸ.
"وسى دەرەك بويىنشا تەكسەرٸستٸ باستادىق. اۆتوكٶلٸك يەسٸنٸڭ ٸس-ەرەكەتٸ قازاقستان رەسپۋبليكاسىنىڭ زاڭناماسىنا سەيكەس كەلە مە دەگەن سۇراق بويىنشا تەكسەرٸس جٷرگٸزٸپ, سونداي-اق, ەرٸپتٸ جابىستىرۋىنىڭ باستى ماقساتى قانداي بولعانىن انىقتايمىز", - دەپ تٷسٸندٸردٸ ەبدٸراحمانوۆ.
باق مەلٸمەتٸنشە, ۋكرايناداعى ارنايى وپەراتسيياعا قاتىسقان رەسەيلٸك ەسكەري تەحنيكادا دا وسىنداي بەلگٸ بار.
