Foto: ashyq derekkóz
Abai oblysynyń Politsiia departamenti turǵyndardy qarjy alaiaqtarynyń ailalaryna aldanbaýǵa shaqyryp, eń jii qoldanylatyn 10 tásildi jariialady, dep habarlaidy Ult.kz.
1. “Aqshańyzdy saqtaý úshin ony basqa shotqa aýdaryńyz nemese depozitten sheship, basqa shotqa salyńyz”. Jalǵan qaýip týdyryp, adamdy shatastyrady.
2. “Sizben tergeýshi nemese IIM, UQK qyzmetkeri sóilesip tur. Tutqany qoimańyz”. Jalǵan bedelge súienip, qysym jasaidy.
3. “Bul qońyraý týraly eshkimge aitpańyz — qupiia operatsiia júrgizilip jatyr”. Jábirlenýshini oqshaýlap, keńes alýyna kedergi jasaidy.
4. “Kilt sózdi ózgertýge ótinim tústi”. Shotqa qoljetimdilikti joǵaltasyz degen oi salady.
5. “Men bailanys operatorynyń qaýipsizdik qyzmetinenmin. Qazir sizge kod keledi, sony aityp jiberińiz”. SIM-kartany nemese bank júiesin urlaý úshin qoldanylady.
6. “Depozittegi qarajatty bank shotyna aýdarý qajet”. Aqshany óz shottaryna aýdartady.
7. “Bul – ulttyq qaýipsizdik qyzmetkeri. Qai bankte shottaryńyz baryn aityńyz. Karta men depozitti dereý buǵattaý úshin derekterińizdi berińiz”. Barlyq málimetterdi jinap, keiin aqsha urlaidy.
8. Jaqynyńyz qiyn jaǵdaiǵa tústi (JKO, politsiia, aýrýhana). Shuǵyl aqsha jiberý kerek”. Emotsiiaǵa berilip, ýaqytpen qysady.
9. “Siz syilyq/ótemaqy utyp aldyńyz! Ony alý úshin salyqty nemese jetkizý aqysyn tóleýińiz kerek”. Jalǵan paida usynyp, aqsha bopsalaidy.
10. “Shotyńyzdan aqsha sheshýge áreket jasaldy. Operatsiiany toqtatý úshin SMS-kodty aityńyz”. Qupiia kodty aldap alady.
Mundai qońyraýlardyń maqsaty:
- - klienttiń mobildi qosymshasyna qol jetkizý;
- - aqshany “qorǵalǵan shotqa” óz erkimen aýdartqyzý;
- - TeamViewer, AnyDesk, RustDesk, Hoptodesk, RudeDesktop sekildi qashyqtan basqarý baǵdarlamalaryn ornatýǵa kóndirý.
Politsiianyń eskertýinshe, eshqashan CVV, PIN-kod, SMS arqyly kelgen qupiia kodtardy aitýǵa bolmaidy. Bank, politsiia nemese bailanys operatorlary mundai málimetti eshqashan suramaidy.
Azamattarǵa saqtyq tanytyp, kúmándi qońyraýlar týraly dereý politsiiaǵa habarlaý usynylady.
