فوتو: اشىق دەرەككٶز
اباي وبلىسىنىڭ پوليتسييا دەپارتامەنتٸ تۇرعىنداردى قارجى الاياقتارىنىڭ ايلالارىنا الدانباۋعا شاقىرىپ, ەڭ جيٸ قولدانىلاتىن 10 تەسٸلدٸ جارييالادى, دەپ حابارلايدى Ult.kz.
1. “اقشاڭىزدى ساقتاۋ ٷشٸن ونى باسقا شوتقا اۋدارىڭىز نەمەسە دەپوزيتتەن شەشٸپ, باسقا شوتقا سالىڭىز”. جالعان قاۋٸپ تۋدىرىپ, ادامدى شاتاستىرادى.
2. “سٸزبەن تەرگەۋشٸ نەمەسە ٸٸم, ۇقك قىزمەتكەرٸ سٶيلەسٸپ تۇر. تۇتقانى قويماڭىز”. جالعان بەدەلگە سٷيەنٸپ, قىسىم جاسايدى.
3. “بۇل قوڭىراۋ تۋرالى ەشكٸمگە ايتپاڭىز — قۇپييا وپەراتسييا جٷرگٸزٸلٸپ جاتىر”. جەبٸرلەنۋشٸنٸ وقشاۋلاپ, كەڭەس الۋىنا كەدەرگٸ جاسايدى.
4. “كٸلت سٶزدٸ ٶزگەرتۋگە ٶتٸنٸم تٷستٸ”. شوتقا قولجەتٸمدٸلٸكتٸ جوعالتاسىز دەگەن وي سالادى.
5. “مەن بايلانىس وپەراتورىنىڭ قاۋٸپسٸزدٸك قىزمەتٸنەنمٸن. قازٸر سٸزگە كود كەلەدٸ, سونى ايتىپ جٸبەرٸڭٸز”. SIM-كارتانى نەمەسە بانك جٷيەسٸن ۇرلاۋ ٷشٸن قولدانىلادى.
6. “دەپوزيتتەگٸ قاراجاتتى بانك شوتىنا اۋدارۋ قاجەت”. اقشانى ٶز شوتتارىنا اۋدارتادى.
7. “بۇل – ۇلتتىق قاۋٸپسٸزدٸك قىزمەتكەرٸ. قاي بانكتە شوتتارىڭىز بارىن ايتىڭىز. كارتا مەن دەپوزيتتٸ دەرەۋ بۇعاتتاۋ ٷشٸن دەرەكتەرٸڭٸزدٸ بەرٸڭٸز”. بارلىق مەلٸمەتتەردٸ جيناپ, كەيٸن اقشا ۇرلايدى.
8. جاقىنىڭىز قيىن جاعدايعا تٷستٸ (جكو, پوليتسييا, اۋرۋحانا). شۇعىل اقشا جٸبەرۋ كەرەك”. ەموتسيياعا بەرٸلٸپ, ۋاقىتپەن قىسادى.
9. “سٸز سىيلىق/ٶتەماقى ۇتىپ الدىڭىز! ونى الۋ ٷشٸن سالىقتى نەمەسە جەتكٸزۋ اقىسىن تٶلەۋٸڭٸز كەرەك”. جالعان پايدا ۇسىنىپ, اقشا بوپسالايدى.
10. “شوتىڭىزدان اقشا شەشۋگە ەرەكەت جاسالدى. وپەراتسييانى توقتاتۋ ٷشٸن SMS-كودتى ايتىڭىز”. قۇپييا كودتى الداپ الادى.
مۇنداي قوڭىراۋلاردىڭ ماقساتى:
- - كليەنتتٸڭ موبيلدٸ قوسىمشاسىنا قول جەتكٸزۋ;
- - اقشانى “قورعالعان شوتقا” ٶز ەركٸمەن اۋدارتقىزۋ;
- - TeamViewer, AnyDesk, RustDesk, Hoptodesk, RudeDesktop سەكٸلدٸ قاشىقتان باسقارۋ باعدارلامالارىن ورناتۋعا كٶندٸرۋ.
پوليتسييانىڭ ەسكەرتۋٸنشە, ەشقاشان CVV, PIN-كود, SMS ارقىلى كەلگەن قۇپييا كودتاردى ايتۋعا بولمايدى. بانك, پوليتسييا نەمەسە بايلانىس وپەراتورلارى مۇنداي مەلٸمەتتٸ ەشقاشان سۇرامايدى.
ازاماتتارعا ساقتىق تانىتىپ, كٷمەندٸ قوڭىراۋلار تۋرالى دەرەۋ پوليتسيياعا حابارلاۋ ۇسىنىلادى.
