Aqtóbe oblystyq IID ókilderi oblys ákimdigi mańynda bolǵan atys jaily qandai da bir málimet biletinderden politsiiaǵa habarlasýyn suraidy, - dep habarlaidy Tengrinews.kz tilshisi IID baspasóz qyzmetine silteme jasap.
Quqyq qorǵaý organdarynyń málimetinshe, 11 naýryzda Abai dańǵylynda ornalasqan sýpermarket aýmaǵynda Aqtóbe qalasynyń 25 jastaǵy turǵyny travmatikalyq qarýdan birneshe ret oq atqan.
"Sot-meditsinalyq saraptama taǵaiyndaldy. QR Qylmystyq kodeksiniń 293-baby boiynsha sotqa deiingi tergeý júrgizilip jatyr. Qajetti saraptamalar taǵaiyndaldy. Osy qylmys jaily qandai da bir málimet biletinderden myna nómirler boiynsha habarlasýyn suraimyz: 102, 729-609, 55-78-24, 729-601", -dep habarlady Aqtóbe oblystyq IID ókilderi.
Eske sala keteiik, keshe, 12 naýryzda Aqtóbe ákimdiginiń mańynda atys bolǵany habarlanǵan bolatyn.
