Almatyda tanymal advokat Aiman Omarovanyń kóligi órtenip ketti. Politsiia bul derekke qatysty tekserýdi bastady, dep habarlaidy "Ult aqparat".
Oqiǵa 18 mamyr kúni Medeý aýdanyndaǵy ál-Farabi kóshesi men Nazarbaev dańǵylynyń qiylysynda bolǵan.
Aiman Omarova Facebook paraqshasynda kóliktiń tejegishi isten shyqqanyn jazdy.
Qalalyq tótenshe jaǵdai departamentiniń ókilderi oqiǵa ornyna 7 minýtta jetken.
«Órt sóndirýshiler 22.00 kelgende «Lexus-350» kóligi órtenip jatqan. Tilsiz jaý 2 sharshy metrdi sharpyǵan. Órt 22:04-te aýyzdyqtalyp, 22:07 de tolyq sóndirildi. Órtten japa shekkender joq», - dep málim etti TJD baspasóz qyzmeti.
Qalalyq politsiia departamenti atalǵan derek boiynsha QR QK 202-babynyń 2-bólimimen qylmystyq is qozǵady.
«Qylmystyq is óndirisi Medeý aýdandyq politsiia basqarmasyna berildi. Órt boiynsha tehnikalyq saraptama taǵaiyndaldy. Saraptama qorytyndysynan keiin órttiń neden shyqqany anyqtalady», - dedi politsiia.
