الماتىدا تانىمال ادۆوكات ايمان وماروۆانىڭ كٶلٸگٸ ٶرتەنٸپ كەتتٸ. پوليتسييا بۇل دەرەككە قاتىستى تەكسەرۋدٸ باستادى, دەپ حابارلايدى "ۇلت اقپارات".
وقيعا 18 مامىر كٷنٸ مەدەۋ اۋدانىنداعى ەل-فارابي كٶشەسٸ مەن نازارباەۆ داڭعىلىنىڭ قيىلىسىندا بولعان.
ايمان وماروۆا Facebook پاراقشاسىندا كٶلٸكتٸڭ تەجەگٸشٸ ٸستەن شىققانىن جازدى.
قالالىق تٶتەنشە جاعداي دەپارتامەنتٸنٸڭ ٶكٸلدەرٸ وقيعا ورنىنا 7 مينۋتتا جەتكەن.
«ٶرت سٶندٸرۋشٸلەر 22.00 كەلگەندە «Lexus-350» كٶلٸگٸ ٶرتەنٸپ جاتقان. تٸلسٸز جاۋ 2 شارشى مەتردٸ شارپىعان. ٶرت 22:04-تە اۋىزدىقتالىپ, 22:07 دە تولىق سٶندٸرٸلدٸ. ٶرتتەن جاپا شەككەندەر جوق», - دەپ مەلٸم ەتتٸ تجد باسپاسٶز قىزمەتٸ.
قالالىق پوليتسييا دەپارتامەنتٸ اتالعان دەرەك بويىنشا قر قك 202-بابىنىڭ 2-بٶلٸمٸمەن قىلمىستىق ٸس قوزعادى.
«قىلمىستىق ٸس ٶندٸرٸسٸ مەدەۋ اۋداندىق پوليتسييا باسقارماسىنا بەرٸلدٸ. ٶرت بويىنشا تەحنيكالىق ساراپتاما تاعايىندالدى. ساراپتاما قورىتىندىسىنان كەيٸن ٶرتتٸڭ نەدەن شىققانى انىقتالادى», - دەدٸ پوليتسييا.
