Jambyl oblysynda jergilikti turǵyndar tártip saqshylarymen jaǵa jyrtysty. Bul jaǵdai áleýmettik jelide qyzý taqylanyp jatyr. Onda bir top adam týysyn politseilerge bermeý úshin jantalasqan. Tipti quzyrly organ ókilderine qol jumsaýǵa deiin barǵan. KTK telearnasy Jambyl oblysy Qordai aýdany Sartóbe aýylynda bolǵan oqiǵadan siýjet jariialady.
Kadrlarda yrdý-dyrdý, jaǵa jyrtysý. Tártip saqshylary áldebir azamatty kólikke mingize almai, áýrege túsip jatyr. Al ony jaqyndary jibermei, barynsha qoǵashtap júr. Tipti ol úshin quzyrly oryn ókiline qol jumsaýǵa bar.
"Tapanshańdy shyǵar, men atamyn" degen azamattan osylaisha tártip saqshysy taiaq jedi. Bir emes, birneshe márte soqqy aldy. Budan keiin de jaǵdai basylmady. Politseiler ústi-ústine kelip jatsa da, qarsylyq kórsetkender sabasyna túspedi. Kerisinshe, órshi tústi. Arqalanǵan azamattar aldynan shyqqandy aiaǵan joq. Olar zań ókilderiniń jaǵasyna jabysyp, kiimin jyrtyp, jerge ábden aýnatty.
Jambyl oblysy Politsiia departamentiniń baspasóz qyzmeti Qordai aýdany Masanchi aýylyndaǵy oqiǵaǵa qatysty pikir bildirdi.
"Masanchi aýylynda jappai tóbeles boldy. Politsiia qaqtyǵysty toqtatty, jaǵdai baqylaýǵa alyndy", - delingen vedomstvo habarlamasynda.
