Qyzylorda oblysynda politsiia qyzmetkerin kóligimen súiregen júrgizýshi ustaldy, dep habarlaidy "Ult aqparat".
Oqiǵa 3 qarashada Qyzylorda qalasynda boldy. Sol kúni WhatsApp áleýmettik jelisinde aq tústi «Lada Granta» kóliginiń júrgizýshisi politsiia qyzmetkerine qarsylyq kórsetken video tarady. Onda júrgizýshi kóliginiń kapotynda politseidi birneshe metr jerge súiregeni kórinedi.
Anyqtalǵandai, qalalyq Politsiia basqarmasynyń patrýldik politsiia batalony inspektory 36 jastaǵy turǵyn tizgindegen avtokólikti jol belgisi erejesin saqtamaǵany úshin toqtatqan. Qujattardy tekserý barysynda júrgizýshi politsiia qyzmetkeriniń zańdy talabyna baǵynbaǵan. Ol oqiǵa ornynan óz kóligimen qashyp ketýge tyrysqan. Ony toqtatýǵa tyrysqan politseidi kólik kapotynda 5-8 metr jerge súiregen.
«Quqyq buzýshyǵa qatysty QR Ákimshilik quqyq buzýshylyq týraly kodeksiniń 601-baby 1-bóligi boiynsha jol belgilerimen nemese joldyń júrý bóligindegi tańbalarmen kórsetilgen talaptardy saqtamaǵany úshin ákimshilik quqyq buzýshylyq týraly hattama toltyryldy. Sondai-aq, atalǵan derek boiynsha kólik júrgizýshisine qatysty QR Qylmystyq kodeksiniń 380-baby 1-bóligimen (Bilik ókiline qatysty kúsh qoldaný) sotqa deiingi tergep-tekserý amaldary bastaldy. Júrgizýshi ýaqytsha ustaý izoliatoryna qamaldy. Qyzylorda oblysynyń Politsiia departamentiniń Ózindik qaýipsizdik basqarmasy atalǵan derek boiynsha qyzmettik tergeý bastady», - dep málim etti Qyzylorda oblystyq Politsiia departamentiniń baspasóz qyzmetinen.
