Almatydaǵy mektep alańynda politsei áieldi uryp-soqqan er adam óz ákesin óltirgeni úshin sottalǵan, - dep habarlaidy Patrul.kz.
Basylymnyń málimetinshe, er adam Aqtas aýylyndaǵy psihiatrlyq emhanada úsh jylǵa taiaý ýaqyt bolypty, aita ketsek, osy emhanada adamjegish Nikolai Jumaǵaliev ómir súrip jatyr.
Ustalǵan Kimniń aitýynsha, ol Simba degen itin qydyrtyp júrip, anda-sanda mektep territoriiasyna kiredi eken. Osy joly fýtbol alańynda ol tanys balany kórip qalǵan eken. Ol balaǵa úiinen balta ákelip, aǵash butaqtaryn shabýdy buiyrypty. Jetinshi synyp oqýshysy onyń aitqanyn istegen. Osy kezde ony iývenal politsiianyń inspektory kórip qalǵan. Inspektor balaǵa aǵashtan túsýin jáne sabaǵyna barýyn suraǵan. Óz mindetin atqarý ústinde politsei er adamnyń qujattaryn jáne balaǵa qandai qatysy baryn suraǵan. Kim oilanbastan balasy ekenin aitqan. Osy sózin sendirý úshin er adam balany ustap, ákesi ekenin aitýyn surapty. Eske salaiyq, oqiǵa Almatydaǵy №114 mektepte biyl sáýirde bolǵan.
Ustalǵan er adam politsiia ofitserine qol kótergeni úshin ózin kinálimin dep eseptemeidi eken. "Bala aitqanymdy tyńdamasa, ony da uryp-soǵamyn", - dedi ol.
Er adamnyń aitýynsha, politseidiń áreketi ony yzalandyrǵan, sóitip ol basymen urǵan, keiin judyryǵymen betine soqqy jasai bastaǵan. Áiel qulaǵan kezde aiaǵymen ishinen taǵy da birneshe ret soqqy jasaǵan. Munymen qoimai, ol politsei áieldi shashynan tartyp, betine tizesimen soqqy jasapty. Keiin oqiǵanyń kýágerleri ony toqtatyp, politseidi mektep ǵimaratyna kirgizipti. Oqiǵa ornyna jedel járdem men politsiia jasaǵy shaqyrtylǵan. Sóitip, áiel murny synyp, kóptegen zaqym, bassúiek mi jaraqatyn alyp, aýrýhanaǵa jatqyzylǵan.
Al endi, Kimniń ákesin óltirgeni úshin sottalǵany belgili bolyp otyr. Aitýynsha, ákesi teledidardyń pýltin suraǵany úshin ol ony óltirip tastaǵan. Kim bul qylmysy úshin 2 jyl 7 aiǵa sottalǵan. Bul merzimdi ol Almaty oblysyndaǵy Aqtas aýylyndaǵy arnaiy túrdegi aýrýhanada ótepti.
"Kim 2007 jyly kisi óltirgeni úshin qylmystyq jaýapkershilikke tartylǵan. Tergeý barysynda onyń psihikalyq aýytqýy bar ekeni jáne sottyń oǵan meditsinalyq sipattaǵy májbúrli shara qoldanǵany belgili bolǵan. Osydan keiin ol Aqtastaǵy respýblikalyq psihiatrlyq aýrýhanaǵa jatqyzylǵan", - dep habarlady Alataý aýdandyq proýkýror Erlan Meńdeshev.
Onyń aitýynsha, er adam buǵan deiin májbúrli meditsinalyq sipattaǵy sharalar qoldanylǵandyqtan, qazirgi isi boiynsha sot-meditsinalyq saraptama júrgiziledi. "Eger saraptama Kimniń oqiǵa kezinde aqyl-esi durys bolǵan degendi kórsetse, ol 380-baptyń 2-bóligi boiynsha 5 jyldan 10 jylǵa deiin bas bostandyǵynan aiyrylady", - deidi Meńdeshev.
Aita keteiik, Kim qazirgi ýaqytta eki aiǵa qamaýǵa alynǵan, bul ýaqyt boiy ol tergeý izoliatorynda bolady.
Sonymen qatar, Kimniń qylmystyq áreketi kezinde áielge kómekke kelmegen dene shynyqtyrý pániniń muǵalimine qatysty shara qabyldanýy múmkin.
Mektep direktorynyń aitýynsha, videoda úzindiler ǵana kórsetilgen. "Ol ajyratyp jatqan, videoǵa túsirgen kezde ol kórinbei qalǵan. Ol sol jerde júrdi, ajyratty", - dep aqtap alǵysy keldi mektep direktory óz qyzmetkerin. Sóitsek, dene shynyqtyrý pániniń muǵalimi Nursultan Omarov balalarǵa 5 jyldan beri sabaq berip keledi eken. Áriptesteriniń aitýynsha, qazir ol qalada emes, balalarmen birge jarysqa ketip qalypty. Al qaida ketkeni naqtylanbaidy.
Aýdan prokýrorynyń aitýynsha, bilim berý bólimi mektep inspektoryn Kimnen ajyratpaǵan muǵalimderge qatysty shara qoldaný máselesin qaraý úshin tekseris bastaidy eken. "Muǵalimniń isi bilim berý bóliminiń deńgeiinde qarastyrylady, qandai da bir tártiptik sipattaǵy sharalar qabyldanýy múmkin", - dep málimdedi Meńdeshev.
