Qala turǵyny jeksenbi kúni tańerteń politsiiaǵa kóliginiń joǵalǵany jóninde aryzdanǵan. Izdestirý barysynda tártip saqshylary kólikti qala kósheleriniń birinen baiqap, sońynan qýǵan, dep habarlaidy ult.kz.
KTK arnasynyń habarlaýynsha, júrgizýshi politsiianyń toqtaý týraly talabyna baǵynbaǵan. Qýý barysynda kólik jol jiegindegi baǵanǵa soǵylyp toqtaǵan. Keiin anyqtalǵandai, rólde kólik iesiniń 14 jastaǵy uly otyrǵan.
Oqiǵa saldarynan jasóspirim zardap shekken joq. Keiin onyń ákesi balasyna qatysty eshqandai shaǵymy joq ekenin málimdedi.
Batys Qazaqstan oblystyq politsiia departamentiniń málimetinshe, qazirgi ýaqytta kámeletke tolmaǵan balanyń zańdy ókilderin júrgizýshi kýáligi joq adamnyń kólik basqarýyna jol bergeni jáne múliktiń búlinýine ákelgen jol qozǵalysy erejelerin buzǵany úshin jaýapkershilikke tartý máselesi qarastyrylyp jatyr.
