Almatyda memlekettik tirkeýge jatatyn elektrmopedter men basqa da eki dóńgelekti elektr kólikterin tirkeý jumystary jalǵasyp jatyr, dep habarlaidy ult.kz.
Politsiia tirkeýge jatatyn kólik ielerin rásimdi keiinge qaldyrmaýǵa shaqyrdy. Vedomstvonyń málimetinshe, memlekettik tirkeý kólik quralyn ortaq paidalanýdaǵy joldarda zańdy túrde júrgizýge múmkindik berip qana qoimai, menshik quqyǵyn da rastaidy.
Almaty qalalyq Politsiia departamenti Ákimshilik politsiia basqarmasynyń protsessing ortalyǵynyń bastyǵy Nursultan Aqmyrzaevtyń aitýynsha, búginde tirkeý rásimi jeńildetilgen jáne kóp ýaqyt almaidy. Onyń sózinshe, kóptegen azamat qajetti qujattaryn rásimdep úlgergen. Al tirkeý zań talaptaryn oryndaýmen qatar, jol qozǵalysy qaýipsizdigin qamtamasyz etýdiń mańyzdy kepili sanalady.
Tirkeýge qatysty tolyq aqparatty mamandandyrylǵan halyqqa qyzmet kórsetý ortalyqtarynan alýǵa bolady. Qujattardy rásimdeý de osy ortalyqtarda júrgiziledi.
Sonymen qatar Qazaqstanda elektrsamokattardy paidalaný erejesine ózgerister engizilmek. Jańa talapqa sáikes, elektrsamokattardyń trotýarlar men jaiaý júrginshiler jolymen júrýine tyiym salynady.
Ishki ister ministrliginiń málimetinshe, mundai sheshim jaiaý júrginshilerdiń, ásirese balalardyń qaýipsizdigin arttyrý maqsatynda qabyldanyp otyr.
Resmi derek boiynsha, 2025 jyly elektrsamokat júrgizýshileriniń qatysýymen 139 jol-kólik oqiǵasy tirkelip, saldarynan 149 adam jaraqat alǵan.
Aita keteiik, elektrsamokat máselesi Qazaqstanda birneshe jyldan beri ózekti bolyp keledi. Buǵan deiin turǵyndar Ishki ister ministrliginen jalǵa beriletin samokattarǵa tyiym salýdy suraǵan. Sondai-aq politsiia jyl basynan beri 28 myń elektrsamokat júrgizýshisiniń ákimshilik jaýapkershilikke tartylǵanyn habarlaǵan bolatyn.
