الماتىدا مەملەكەتتٸك تٸركەۋگە جاتاتىن ەلەكترموپەدتەر مەن باسقا دا ەكٸ دٶڭگەلەكتٸ ەلەكتر كٶلٸكتەرٸن تٸركەۋ جۇمىستارى جالعاسىپ جاتىر, دەپ حابارلايدى ult.kz.
پوليتسييا تٸركەۋگە جاتاتىن كٶلٸك يەلەرٸن رەسٸمدٸ كەيٸنگە قالدىرماۋعا شاقىردى. ۆەدومستۆونىڭ مەلٸمەتٸنشە, مەملەكەتتٸك تٸركەۋ كٶلٸك قۇرالىن ورتاق پايدالانۋداعى جولداردا زاڭدى تٷردە جٷرگٸزۋگە مٷمكٸندٸك بەرٸپ قانا قويماي, مەنشٸك قۇقىعىن دا راستايدى.
الماتى قالالىق پوليتسييا دەپارتامەنتٸ ەكٸمشٸلٸك پوليتسييا باسقارماسىنىڭ پروتسەسسينگ ورتالىعىنىڭ باستىعى نۇرسۇلتان اقمىرزاەۆتىڭ ايتۋىنشا, بٷگٸندە تٸركەۋ رەسٸمٸ جەڭٸلدەتٸلگەن جەنە كٶپ ۋاقىت المايدى. ونىڭ سٶزٸنشە, كٶپتەگەن ازامات قاجەتتٸ قۇجاتتارىن رەسٸمدەپ ٷلگەرگەن. ال تٸركەۋ زاڭ تالاپتارىن ورىنداۋمەن قاتار, جول قوزعالىسى قاۋٸپسٸزدٸگٸن قامتاماسىز ەتۋدٸڭ ماڭىزدى كەپٸلٸ سانالادى.
تٸركەۋگە قاتىستى تولىق اقپاراتتى مامانداندىرىلعان حالىققا قىزمەت كٶرسەتۋ ورتالىقتارىنان الۋعا بولادى. قۇجاتتاردى رەسٸمدەۋ دە وسى ورتالىقتاردا جٷرگٸزٸلەدٸ.
سونىمەن قاتار قازاقستاندا ەلەكترساموكاتتاردى پايدالانۋ ەرەجەسٸنە ٶزگەرٸستەر ەنگٸزٸلمەك. جاڭا تالاپقا سەيكەس, ەلەكترساموكاتتاردىڭ تروتۋارلار مەن جاياۋ جٷرگٸنشٸلەر جولىمەن جٷرۋٸنە تىيىم سالىنادى.
ٸشكٸ ٸستەر مينيسترلٸگٸنٸڭ مەلٸمەتٸنشە, مۇنداي شەشٸم جاياۋ جٷرگٸنشٸلەردٸڭ, ەسٸرەسە بالالاردىڭ قاۋٸپسٸزدٸگٸن ارتتىرۋ ماقساتىندا قابىلدانىپ وتىر.
رەسمي دەرەك بويىنشا, 2025 جىلى ەلەكترساموكات جٷرگٸزۋشٸلەرٸنٸڭ قاتىسۋىمەن 139 جول-كٶلٸك وقيعاسى تٸركەلٸپ, سالدارىنان 149 ادام جاراقات العان.
ايتا كەتەيٸك, ەلەكترساموكات مەسەلەسٸ قازاقستاندا بٸرنەشە جىلدان بەرٸ ٶزەكتٸ بولىپ كەلەدٸ. بۇعان دەيٸن تۇرعىندار ٸشكٸ ٸستەر مينيسترلٸگٸنەن جالعا بەرٸلەتٸن ساموكاتتارعا تىيىم سالۋدى سۇراعان. سونداي-اق پوليتسييا جىل باسىنان بەرٸ 28 مىڭ ەلەكترساموكات جٷرگٸزۋشٸسٸنٸڭ ەكٸمشٸلٸك جاۋاپكەرشٸلٸككە تارتىلعانىن حابارلاعان بولاتىن.
