Bul týraly «Bek Air» áýe kompaniiasynyń qyzmetin tekserý barysynda anyqtalǵan kemshilikterge qatysty suraqtar boiynsha elordada ótken brifingte «Qazaqstannyń aviatsiialyq ákimshiligi» AQ Bas direktory Piter Griffits aitty, dep habarlaidy "Ult aqparat".
«Bek Air» áýe kompaniiasynyń taǵdyry «Bek Air»-diń qolynda. Loýkoster (low cost – tómen baǵa - basty maqsaty shyǵyndardy azaityp, ushý baǵasyn tómendetý - avtor) jumys isteý úshin basty úsh nárseni eskerý kerek: tolyǵymen jańa qurylǵy ornatý, áýe biletterin satýdyń jańa ádisin oilap tabý jáne ushaq qaýipsizdigine tolyǵymen jaýap beretin qyzmetkerler alý. Kez kelgen memlekettiń aviatsiia salasynda retteýshisi bolady. Ol ushaq bortyndaǵy ár jolaýshynyń qaýipsizdigine jaýap beredi. «Bek Air»-ge árqaisysymyzdyń «Olar jumys istei alady» degen qujat túrindegi qoldaýymyzdy qajet etedi», - deidi Piter Griffits.
Ol uiymyndaǵy ár inspektor ushaqty teksergen kezdegi qorytyndyǵa qol qoiýlary kerek ekenin aitty.
«Aviatsiialyq inspektorlarǵa qatysty meniń halyqaralyq dárejede bedelim bar. Ushaq ushqan kezde qaýipsizdikpen tolyq qamtylǵanyna kóz jetkizip alýymyz kerek. Oqiǵa bolǵaly maǵan bir de bir adam habarlasyp, «Bek Air»-di qaitarý kerektigin aitqan joq. Sol sebepti «Bek Air» halyqaralyq erejelerge sai jumys isteýge daiyn bolsa – men «Bek Air»-di basqa da talapqa sai áýe kompaniialaryndai qabyldaimyn. Biraq «Bek Air» aviatsiialyq qaýipsizdikti birinshi orynǵa qoiýy kerek. Olai bolmaǵan jaǵdaidy eshqaisysymyz oǵan ushýǵa ruqsat etetin qujatqa qol qoimaimyz», - deidi ol.
Bas direktor halyqaralyq inspektorlar kómektesý úshin júrgenderin aitty.
«Qazaqstan - keń-baitaq jeri bar memleket. Aýmaǵynyń úlkendigi sondai – ushaqty qajet etedi. Sizder ushaq biletiniń baǵasy arzan, qoljetimdi bolýyn qaladyńyzdar. «Qazaqstannyń aviatsiialyq ákimshiligi» qazaqstandyq áýe kompaniialarmen sizderdiń osy qalaýlaryńyzdy oryndaý úshin, qazaqstandyq jolaýshylar da ózge memleketterdegi jolaýshylar qoldanatyn mehanizmderdi qoldanatyndai etý úshin jumys isteidi. «Bek Air» osy protsesstiń bólshegi bolǵysy keletin-kelmeitinin oilanýy kerek. Ol jolaýshylaryna qurmetpen qaraýǵa daiyn eken, ushqan kezde qaýipsizdikpen qamtamasyz ete alatynyn dáleldegenshe eshteńe de ózgermeidi. Degenmen biz olarǵa qyzmet sapasyn arttyratynyn dáleldeýge múmkindik beremiz.
Jumys aiaqtalǵan kezde ol qalai jaýap bergenin bilemiz. Men qazaqstandyq azamattardan aiyrylyp qalýǵa sebepshi bolatyn taǵy bir áýe apaty bolýyna jol bermeitinim anyq. Osyndai olqylyqtarǵa jol bergen kez kelgen áýe kompaniiasy «Qazaqstannyń aviatsiialyq ákimshiligi» tarapynan qatań tekseriledi. Meniń uiymymdaǵy qyzmetkerler ushý talaptaryna sai kelmeitin áýe kompaniiasynyń ushaqtarynyń ushýyna jol berse – mán-jaidy eń qatań jolmen sheshetin bolamyn. Bul talaptar oryndalmai jatqanyn túsingen bolsańyz, osy sózderimdi esime salýǵa bolady», - deidi «Qazaqstannyń aviatsiialyq ákimshiligi» AQ Bas direktory.
Almaty áýejaiy mańyna qulaǵan «Bek Air» ushaǵyna qatysty málimetterdi myna jerden bilýge bolady.
