Foto: © Sputnik / Nikolai Hijniak
Ishki ister ministrligi Tótenshe jaǵdailar ministrliginiń azamattyq qorǵaý bólimshelerimen birlesip, 25 jeltoqsan men 3 qańtar aralyǵynda “Pirotehnika” jedel-profilaktikalyq is-sharasyn júrgizedi, – dep habarlaidy "Ult aqparat" Polisia.kz portalyna silteme jasap.
"Atalǵan is-shara naryqtarda sertifikattalmaǵan pirotehnikalyq buiymdardy, olardy ruqsatsyz bei-bereket satý faktilerin anyqtaýǵa jáne jolyn kesýge baǵyttalǵan.
Is-sharalar barysynda pirotehnikalyq buiymdardy saqtaý, esepke alý, paidalaný, tasymaldaý tártibine nazar aýdarylatyn bolady.
Kámeletke tolmaǵandardyń pirotehnikalyq buiymdardy paidalanýy kezinde jaraqat almaýyna erekshe kóńil bólinedi. Bul rette mektepterde oqýshylarmen tiisti túsindirý jumystary júrgizilip jatyr", – dedi QR IIM ákimshilik politsiia komitetiniń basqarma bastyǵy Asylbek Ydyrysov.
Qaýipsizdik maqsatynda pirotehnikalyq buiymdardy satýǵa litsenziialary bar mamandandyrylǵan dúkender men saýda oryndarynan ǵana alǵan durys. Pirotehnikany satyp alý kezinde eń aldymen satýshydan ónimge sáikestik sertifikatyn talap etý qajet. Árbir pirotehnikalyq buiym úshin memlekettik jáne orys tilderinde qoldaný jónindegi nusqaýlyq bolýy qajet.
• Erkin saýda jasaýǵa Qazaqstan Respýblikasynyń zańnamasymen tyiym salynǵan nemese shektelgen taýarlarmen jáne ózge de zattarmen saýda jasaǵany úshin 86 250 teńge mólsherinde aiyppul salynady (ÁQBtK 196-baby).
• Jeke tulǵalardyń tynyshtyǵyn, belgilengen tártipti pirotehnikany qoldana otyryp buzǵany úshin 69 000 teńge mólsherinde aiyppul salynyp, pirotehnikalyq buiymdar tárkilenedi (ÁQBtK 436-baby).
• Adamdardyń qalypty demalysy men tynyshtyǵyna kedergi keltiretin, jumys kúnderi saǵat 22:00-den tańǵy 9:00-ǵa deiin, demalys jáne mereke kúnderi saǵat 23:00-ten tańǵy 10:00-ǵa deiin tynyshtyqty buzǵany úshin jeke tulǵalarǵa – 17 250 teńge, shaǵyn kásipkerlik sýbektilerine nemese kommertsiialyq emes uiymdarǵa – 69 000 teńge, orta kásipkerlik sýbektilerine – 103 500 teńge, iri kásipkerlik sýbektilerine 345 000 teńge mólsherinde aiyppul salynady (ÁQBtK 437-baby).
