Foto: gov.kz
Ǵalymjan Pirmatov basshysy qyzmetinen bosatyldy, - dep habarlaidy "Ult aqparat" Aqordanyń baspasóz qyzmetine silteme jasap.
"Memleket basshysynyń Jarlyǵymen Ǵalymjan Oljauly Pirmatov Qazaqstan Respýblikasy Ulttyq Bankiniń Tóraǵasy laýazymynan bosatyldy" - delingen habarlamada.
Pirmatov Ulttyq Bankti 2022 jyldyń aqpanynan bastap basqarǵan edi.
Ol 1972 jyly 24 sáýirde Shymkent oblysynda (qazirgi Túrkistan oblysy) dúniege kelgen. Novosibir memlekettik ýniversitetin, Qazaqstan ekonomika jáne boljaý menedjmenti institýtyn jáne Atkinson Graduate School of Management, Willamette University-di (MBA baǵdarlamasy boiynsha) bitirgen.
Ulttyq banktiń eks-basshysy "Altyn-Tas" BK, "AES KievOblEnergo", "AES Ýkraina", "Halyq Banki" AQ-da jumys istegen. Ekonomika jáne biýdjettik josparlaý vitse-ministri de boldy.
2009 jyldan 2011 jylǵa deiin "Qazatomónerkásip "UAK" AQ Ekonomika jáne qarjy jónindegi vitse-prezidenti qyzmetin atqaryp, 2017 jyly tamyzda "Qazatomónerkásipti" basqardy. 2021 jyldyń qyrkúieginde Pirmatov "Qazatomónerkásiptiń" Basqarma tóraǵasy qyzmetinen óz erkimen ketti.
Úilengen, balalary bar.
