Ulttyq bank bazalyq mólsherlemeni 16 paiyz dep belgiledi. Bul týraly basqarma tóraǵasy Ǵalymjan Pirmatov arnaiy brifingide aitty, dep habarlaidy QazAqparat.
«Ulttyq baktiń aqsha-kredit saiasaty komteti 27 qazannan bastap bazalyq mólsherlemeni 16 paiyzǵa deiin kóterý jóninde sheshim qabyldady. Sheshim infliatsiianyń jedeldeýine jáne baǵanyń ósýi bizdiń boljamdy baǵalaýymyzdan edáýir joǵary qalyptasýyna bailanysty qabyldandy. Biylǵy joldyń sońyna qarai infliatsiianyń 16-18 paiyz aralyǵynda qalyptasatynyn boljaǵan edik. Qyrkúiek aiynda naqty infliatsiianyń jasalǵan boljamnan asyp túsýi, infliatsiialyq kútýlerdiń oń fiskaldyq serpin aiasyndaǵy infliatsiianyń komponentteriniń turaqtylyǵynyń, joǵary syrtqyinliatsiianyń, taýar jetkizý joldarynyń buzylýynyń, Reseiden joǵary infliaitsia importynyń jalǵasýynyń, sondai-aq óndiris shyǵyndarynyń ósýiniń saldarynan orynaldy. Infliatsiianyń turaqty ósýiniń aiqyn belgileri baiqalýda», - dedi bank tóraǵasy.
Sondai-aq ol qazirgi infliatsiianyń ósýi uzaqqa sozylýy múmkin ekenin atap ótti.
«Mundai jaǵdaida onyń qarqyndy ósýi uzaqqa sozylýy yqtimal. Osynyń bári aqsha-kredit talaptaryn qatańdatýǵa baǵyttalǵan sheshýshi sharalar qabyldaýdy qajet etedi. Naqty bazalyq mólsherlemeniń óziniń qalypty máninen uzaq ýaqytqa aitarlyqtai aýytqýyna jol bermegen jón. Sebebi bul infliatsiialyq protsestiń baqylaýdan shyǵýyna ákelip, keiingi jyldary infliatsiiany turaqtandyrý múmkindigin azaitady», - dedi Ǵalymjan Pirmatov.
