Nur-Sultan qalasynyń qoǵamdyq densaýlyq saqtaý basqarmasy koronavirýsqa qarsy Pfizer kompaniiasynyń preparatyn qai jerde alýǵa bolatynyn aitty, - dep habarlaidy Tengrinews.kz tilshisi.
"Elimizdiń bas memlekettik sanitariia dárigeriniń sheshimi boiynsha, Pfizer vaktsinasy endi barlyq azamattarǵa vaktsinatsiia jáne revaktsinatsiia úshin qol jetimdi. Elordada Pfizer vaktsinasy alǵashqy meditsinalyq kómek kórsetý uiymdarynda (emhanalar), sondai-aq "Abý-Dabi Plaza" saýda ortalyǵynda júrgiziledi", - delingen habarlamada.
Qalalyq densaýlyq saqtaý basqarmasy qazirgi ýaqytta Qazaqstanda Pfizer vaktsinasyn saldyratyndar tizimi jańaryp jatqandyqtan, turǵyndardyń deregin tsifrlyq bazaǵa tirkeýge úlgermei jatyr. Bul jumys jaqyn arada qaǵaz júzinde júzege aspaq.
"Departament barlyq derekterdi toltyryp jatqan meditsina qyzmetkerleriniń jumysyna túsinistikpen qaraýdy suraidy", - dep tolyqtyrdy vedomstvo.
