QR Densaýlyq saqtaý vitse-ministri – Bas memlekettik sanitar dáriger Erlan Qiiasov «Amerikalyq Pfizer vaktsinasy Qazaqstanǵa qoljetimdi bola ma?» degen suraqqa jaýap berdi, dep habarlaidy "Ult aqparat".
«Pfizer vaktsinasy qazaqstandyqtarǵa ekinshi jartyjyldyqtan keiin qoljetimdi bolýy múmkin. Pfizer kompaniiasymen aldyn ala ýaǵdalastyqtar bar, memorandým bekitilgen, egjei-tegjeili suraqtar kelissózder deńgeiinde. Bir aita keterligi, ózderińiz jańalyqtardan baiqaǵandai, Pfizer vaktsinalary jetpei jatyr, kompaniianyń ózge elder aldyndaǵy mindettemeleri áli sheshilmegen másele bolyp tur. Ol vaktsina -70 gradýsta saqtalýy kerek, barlyq tetikteri áli talqylanady», - dedi Erlan Qiiasov №6 qalalyq emhanada tilshilerge bergen suhbatynda.
Bas sanitar dáriger óz sózinde ýaqyt joǵaltyp almaýdy airyqsha atap ótti.
«Dál qazir ýaqyttyń bizdi kútpeitinin túsiný kerek, sondyqtan qolda bar múmkindikti paidalaný kerek. Barynsha kóp adamdy qamtý úshin bul naýqandy barynsha erterek bastaǵan jón», - deidi Qiiasov.
Aita keteiik, búgin Qazaqstanda koronavirýs infektsiiasyn juqtyrý jáne taratý táýekeli joǵary sanattardy koronavirýsqa qarsy vaktsinalaý bastaldy.
Elordadaǵy №6 qalalyq emhanada QR Densaýlyq saqtaý vitse-ministri – Bas memlekettik sanitar dáriger Erlan Qiiasov pen Densaýlyq saqtaý vitse-ministri Ajar Ǵiniiat koronavirýsqa qarsy vaktsina saldyrdy.
Qazaqstanda 1 aqpanda meditsina qyzmetkerlerine reseilik koronavirýsqa qarsy "Spýtnik V" vaktsinasy salyna bastady. Alǵashqy kezeńde infektsiialyq aýrýhanalar, jedel járdemde jumys isteitin medqyzmetkerler, sanepidqyzmetkerlerge dári egiledi.
Naýryzda mektep muǵalimderi men ýniversitet oqytýshylaryna, vedomstvolyq meditsina mekemeleri ókilderine; sáýirden bastap mektep-internat, mektepke deiingi mekeme qyzmetkerleri, stýdentter men sozylmaly aýrýy bar azamattarǵa vaktsina salynbaq.
Ministrliktiń aitýynsha, jyl sońyna deiin 6 million adamǵa vaktsina salý josparlanǵan. Sonyń ishinde jyldyń birinshi jartysynda 2 million kisige ekpe salynbaq. Ailarǵa bólgende: aqpanda – 100 myń, naýryzda – 150 myń, sáýirde – 600 myń adamdy qamtý josparlanǵan.
