© Photo: Qazaq oil baspasóz qyzmeti
Prokýratýra «Petrosun» JShS qyzmetinen ústemdik jaǵdaidy teris paidalaný belgilerin anyqtady, dep habarlaidy "Ult aqparat" Almaty qalasynyń prokýratýrasyna silteme jasap.
Vedomstvo málimetinshe, tekserý barysynda seriktestik monopoliialyq jaǵdaiyn teris paidalanyp, jekelegen sýbektilerge benzin men dizel otynyn satýdy negizsiz shektegendigi anyqtaldy. Al bul Ákimshilik quqyqbuzýshylyqtar týraly kodekstiń 159-babynyń talaptaryna qaishy keledi.
"Prokýrorlyq qadaǵalaý aktisi boiynsha básekelestik salasyndaǵy ýákiletti organ jetkizýshige qatysty kiristiń 5% mólsherinde aiyppul sala otyryp, ákimshilik quqyqbuzýshylyq týraly hattama toltyryldy.
Almaty qalasynyń Ákimshilik quqyq buzýshylyq jónindegi mamandandyrylǵan aýdanaralyq sotynyń qaýlysymen seriktestik ákimshilik jaýaptylyqqa tartyldy.
Apelliatsiia sot sheshimin ózgerissiz qaldyrǵannan keiin 542,9 mln. teńge mólsherindegi aiyppuldyń barlyq somasy memlekettik biýdjetke tólendi" - delingen habarlamada.
