Petropavldaǵy 2-jylý-elektr ortalyǵy sońǵy apattan keiin taǵy eki qazandyq agregatyn jáne bir týrbinany iske qosty, dep habarlaidy QazAqparat.
«SevKazEnergo» AQ baspasóz qyzmetiniń málimetinshe, 2-jylý-elektr ortalyǵyndaǵy jaǵdai turaqtalyp keledi. Qazirgi ýaqytta kásiporyn jylý men elektr qýatyn úzdiksiz berip jatyr. Ortalyqta 4 qazandyq agregaty men 3 týrbogenerator jumys istep tur. Tikelei keletin jelilik sýdyń temperatýrasy 62 gradýsqa jetti. Táýlik ishinde energetikter taǵy bir qazandyq agregatyn qosýdy josparlap otyr.
Petropavldy jylýmen qamtý búgin tolyq qalpyna keledi. Mamandardyń aitýynsha, ystyq sý tiisti mólsherde berilip jatyr, al elektr qýaty sóndirilgen joq.
Esterińizge salaiyq, 26 naýryz kúni keshki saǵat 21.30-da Petropavldaǵy № 2 jylý-elektr ortalyǵynda kezekti ret apat bolyp, birneshe qazandyq isten shyqty.
