26 naýryzda saǵat 21.30-da Petropavldaǵy JEO-2-de taǵy da apat boldy. Aqparatty kásiporynnyń baspasóz qyzmeti rastady, - dep habarlaidy Tengrinews.kz tilshisi.
"Qazirgi ýaqytta kásiporynda eki qazandyq jáne eki týrbina jumys isteidi. Jelilik sýdyń temperatýrasy Tselsii boiynsha 43-37 gradýs", - dedi Petropavl ákimdiginiń ókilderi.
Sondai-aq, JEO-2-de jóndeý-qalpyna keltirý jumystary júrip jatqany habarlandy. Olar qansha ýaqytqa sozylatyny áli belgisiz.
Eske salaiyq, 20 naýryzda Petropavl JEO-2-de 150 metrlik murjanyń bir bóligi qulady. Oqiǵadan keiin qutqarýshylar bir táýlikten astam ýaqyt kásiporyn mamanyn izdedi. 22 naýryzda 38 jastaǵy qyzmetkerdiń máiiti úiindilerdiń astynan tabyldy. SQO Prokýratýrasy tergeý júrgizip jatyr. 22 naýryzda "JEO-2" JShS direktory men kásiporynnyń bas injeneri ustalyp, Petropavl politsiia basqarmasynyń ýaqytsha ustaý izoliatoryna qamaldy.
JEO-2-niń qulaǵan murjasy 1961 jyly paidalanýǵa berilgen. 2016 jyly qulaǵan qubyr jóndelgen bolatyn. 2021 jyly qarasha jáne jeltoqsanda Petropavldaǵy JEO-2-de eki ret apat boldy. Eki rette de 2 qazandyq isten shyqty. Keiin qalanyń birneshe aýdany elektr jaryǵynsyz qalǵan bolatyn.
