Petropavldaǵy Qozybaev ýniversitetiniń basqarma tóraǵasy-rektor qyzmetine Erlan Shýlanov taǵaiyndaldy, dep habarlaidy "Ult aqparat",.
QR Premer-Ministriniń orynbasary Eraly Toǵjanov bastaǵan respýblikalyq komissiianyń sheshimimen Erlan Shýlanov Qozybaev ýniversiteti basqarma tóraǵasy-rektory laýazymyna taǵaiyndaldy. Ǵylymi keńes otyrysynda ony ýniversitet ujymyna QR Bilim jáne ǵylym vitse-ministri Miras Dáýlenov tanystyrdy.
Erlan Nurlybekuly Shýlanov 1984 jyly Qaraǵandyda dúniege kelgen. Eýraziia Ulttyq ýniversitetin «halyqaralyq quqyq» mamandyǵy boiynsha úzdik diplommen bitirgen. MVA magistri dárejesi bar.
Eńbek jolyn 2003 jyly ZTB «Qazaqstan jastarynyń Kongresinde» bastaǵan. «KEGOC» AQ bas keńesshisi, «Adal Solutions» JShS zańger bolyp jumys istedi.
2008-2009 jylǵa deiin «Óńirlik damý jáne zertteýler ortalyǵy» JShS-de, QR Prezidentiniń janyndaǵy Memlekettik basqarý akademiiasynda sarapshy-taldaýshy qyzmetin atqardy.
2010 jyly «Samuryq-Qazyna» UÁQ«AQ bas mamany boldy. Onyń kadrlyq saiasatynyń tujyrymdamasyn ázirleýge, «Samuryq-Qazyna «korporativtik ýniversitetin» qurýǵa qatysty. «Halyqaralyq baǵdarlamalar ortalyǵy» AQ taldaý jáne zertteýler bóliminiń bastyǵy laýazymynda qyzmet etken. QR BǴM taldaý tobyn basqardy. «Kásipqor» holdingi» AQ qurý, «Bolashaq» baǵdarlamasyn reformalaý máselelerimen ainalysty, QR BǴM sapany baqylaýdyń vertikaldi modelin ázirleýge qatysty. Úsh jyl boiy Nazarbaev Ýniversiteti atqarýshy direktory, keiin QR BǴM «Aqparattyq– taldaý ortalyǵy» AQ prezidenti laýazymynda eńbek etti.
«Men osy ýniversitette jumys isteý mártebesine ie bolǵanyma óte qýanyshtymyn. Búgin oǵan úlken úmit artyldy. SQO ákimdiginiń qoldaýymen el basshylyǵy qoiǵan mindetterge mindetti túrde qol jetkiziletinine senimdimin. Al ujymda qalyptasqan júieli jumys Qozybaev ýniversitetiniń odan ári damytýǵa negiz bolady», - dedi Erlan Shýlanov.
