Foto: Shutterstock
5 aqpanda Petropavl qalasyndaǵy mektepterdiń birine 11-synyp oqýshysy pnevmatikalyq tapanshamen kelip, bastaýysh synyp oqýshylarynyń kózinshe oq atqan. Abyroi bolǵanda, zardap shekkender joq, dep habarlaidy Ult.kz Kriminalnyi Kazahstan telegram arnasyna silteme jasap.
Politsiianyń málimetinshe, tárkilengen zat atys qarýyna jatpaidy. Jasóspirim usaq buzaqylyq jasaǵany úshin ákimshilik jaýapkershilikke tartyldy, al onyń zańdy ókili balany tárbieleý mindetterin tiisinshe oryndamaǵany úshin jaýapqa tartyldy.
Mektep ákimshiliginiń atyna usynys joldandy. Qazirgi ýaqytta tekserý jumystary jalǵasýda – quqyq qorǵaý organdary oqý orny basshylyǵy men kúzet qyzmetiniń áreketterine quqyqtyq baǵa beredi.
