Petropavlda jasóspirimderdi soqqyǵa jyqty degen kúdikke ilingen jas jigit ustaldy, - dep habarlaidy "Ult aqparat".
Buǵan deiin áleýmettik jelilerde 6 mamyrda saǵat 22:30-da qaladaǵy dámhanalardyń biriniń mańynda mas kúidegi alty jigit kámeletke tolmaǵan eki jasóspirimdi uryp-soqqany týraly habarlama taraǵan bolatyn.
Ishki ister ministrliginiń resmi Telegram-arnasynyń málimetinshe, 7 mamyr saǵat 00:58 shamasynda Petropavl politsiiasyna Internatsionalnaia kóshesiniń boiynda tóbeles bolyp jatqany týraly habarlama túsken.
"Janjal kezinde belgisiz bireýler 16 jastaǵy úsh jasóspirimge dene jaraqatyn salǵany anyqtaldy. Bul derek QR Qylmystyq kodeksiniń 293-baby "Buzaqylyq" boiynsha tirkeldi.
Buzaqylyq jasady degen kúdikpen 2003 jyly týǵan azamat ustaldy. Tergeý amaldary júrgizilip jatyr", - delingen vedomstvo habarlamasynda.
