پەتروپاۆلدا جاسٶسپٸرٸمدەردٸ سوققىعا جىقتى دەگەن كٷدٸككە ٸلٸنگەن جاس جٸگٸت ۇستالدى, - دەپ حابارلايدى "ۇلت اقپارات".
بۇعان دەيٸن ەلەۋمەتتٸك جەلٸلەردە 6 مامىردا ساعات 22:30-دا قالاداعى دەمحانالاردىڭ بٸرٸنٸڭ ماڭىندا ماس كٷيدەگٸ التى جٸگٸت كەمەلەتكە تولماعان ەكٸ جاسٶسپٸرٸمدٸ ۇرىپ-سوققانى تۋرالى حابارلاما تاراعان بولاتىن.
ٸشكٸ ٸستەر مينيسترلٸگٸنٸڭ رەسمي Telegram-ارناسىنىڭ مەلٸمەتٸنشە, 7 مامىر ساعات 00:58 شاماسىندا پەتروپاۆل پوليتسيياسىنا ينتەرناتسيونالنايا كٶشەسٸنٸڭ بويىندا تٶبەلەس بولىپ جاتقانى تۋرالى حابارلاما تٷسكەن.
"جانجال كەزٸندە بەلگٸسٸز بٸرەۋلەر 16 جاستاعى ٷش جاسٶسپٸرٸمگە دەنە جاراقاتىن سالعانى انىقتالدى. بۇل دەرەك قر قىلمىستىق كودەكسٸنٸڭ 293-بابى "بۇزاقىلىق" بويىنشا تٸركەلدٸ.
بۇزاقىلىق جاسادى دەگەن كٷدٸكپەن 2003 جىلى تۋعان ازامات ۇستالدى. تەرگەۋ امالدارى جٷرگٸزٸلٸپ جاتىر", - دەلٸنگەن ۆەدومستۆو حابارلاماسىندا.
