Petropavl turǵyny jol-kólik oqiǵasy týraly shyndyqqa janaspaityn aqparatty TikTok-ta jariialaǵany úshin ákimshilik jaýapkershilikke tartyldy, dep habarlaidy ult.kz.
Petropavl qalasynyń ákimshilik quqyq buzýshylyqtar jónindegi mamandandyrylǵan sotynyń málimetinshe, biyl tamyz aiynda M. esimdi turǵyn áleýmettik jelidegi paraqshasynda jol apaty týraly aqparat taratqan. Onyń jazbasynda júrgizýshi velosipedshini qaǵyp ketkeni, jábirlenýshiniń aýyr jaraqat alǵany jáne jedel járdem kóliginde jatqany aitylǵan.
Alaida sotta bul málimetterdiń shyndyqqa sáikes kelmeitini anyqtaldy. Velosipedshige oqiǵa ornynda meditsinalyq kómek kórsetilgenimen, ony aýrýhanaǵa jatqyzý qajet bolmaǵan. Kerisinshe, onyń ózine jol qozǵalysy erejesin buzǵany úshin ákimshilik hattama toltyrylǵan.
Jalǵan aqparattyń taralǵany ákimshilik quqyq buzýshylyq týraly hattamamen, oqiǵaǵa qatysýshynyń túsiniktemelerimen jáne beinejazbamen dáleldendi.
Sot otyrysynda M. óz kinásin moiyndap, usynylǵan dálelderge qarsylyq bildirmegen.
Sot qaýlysymen ol kináli dep tanylyp, 20 AEK – 86 500 teńge kóleminde aiyppul tóleýge mindetteldi.
Sot sheshimi ázirge zańdy kúshine engen joq.
