Elimizdegi tarihy tereń, eń kóne zaýyttardyń biri - Petropavl qalasyndaǵy S.M. Kirov atyndaǵy zaýyt ZIKComputers markasymen kompiýterlik tehnika shyǵara bastady, dep habarlaidy QR IIDM baspasóz qyzmeti.
Tutynýshylarǵa otandyq Zik kompiýterleriniń 7 túri usynyldy. Olardy qazirdiń ózinde kaspi.kz jáne ForteMarket arqyly satyp alýǵa bolady. Jaqyn arada otandyq kompiýterlerdi «Qazposhtanyń» barlyq bólimshelerinen de alýǵa bolatyn bolady.
Zaýyttyń injenerlik áleýeti zor jáne mamandarynyń deńgeii joǵary. Ónim sapasyna erekshe nazar aýdarylady. Memlekettiń qoldaýymen 2018-2020 jyldar ishinde kásiporynda jańǵyrtý júrgizildi. Dáldik synyby bes, kópqabatty baspa platalaryn óndirýge jáne SMD-montajdaýǵa arnalǵan jabdyq alyndy. Bul zaýytqa elektrondy ónerkásipti, sonyń ishinde ZIKComputers shyǵarýdy damytý úshin qýatty baza qurýǵa múmkindik berdi. Óndiristi qoldaý úshin 2 mlrd. teńgeden astam qarajat bólindi.
ZIKcomputers jelisiniń óndiristik qýaty - jylyna 100 000 birlik kompiýterlik tehnika.
Kompiýterlik tehnikany daiyndaýǵa arnalǵan komponentterdi seriktesteri - elektronika, kompiýterlik tehnika jáne serverlik jabdyqtar óndirisinde 30 jyldyq tájiribesi bar Great Wall kompaniiasy jetkizedi. ZIK brendimen shyǵarylǵan árbir ónim Windows 10 Pro litsenziialyq operatsiialyq júiesimen jabdyqtalady jáne sheteldik analogtardan esh aiyrmashylyǵy joq. Al baǵasy arzandaý.
Keńes zamanynda zaýyt «Pobeda», «Rekord», «Qazaqstan» radioqabyldaǵyshtaryn, «Esil» RPÝ jáne basqa da qyzyqty elektr aspaptaryn shyǵardy. Jáne ol ónimder joǵary suranysqa ie boldy.
