Foto: Primeminister.kz
Petropavl qalasynda ult aqyny, oishyl, aǵartýshy Maǵjan Jumabaevtyń esimin ielengen elimizdegi alǵashqy ǵylymi-mádeni hab – «Maǵjan ortalyǵy» óz jumysyn bastady, dep habarlaidy Ult.kz.
Bul ortalyq tarihi murany dáripteýmen qatar, ǵylymi zertteýler, mádeni-aǵartýshylyq baǵdarlamalar, halyqaralyq dialogtar men shyǵarmashylyq jobalar ótetin zamanaýi ziiatkerlik keńistik bolmaq.
Ashylý rásimine QR Premer-ministriniń orynbasary Ermek Kósherbaev, QR Ǵylym jáne joǵary bilim ministri Saiasat Nurbek, mádeniet jáne halyqaralyq uiym ókilderi, oblys ákimi Ǵaýez Nurmuhambetov, ziialy qaýym men qala turǵyndary qatysty.
Ermek Kósherbaev óz sózinde:
«Maǵjan Jumabaev – ulttyq rýhtyń simvoly. Onyń murasy jas urpaqty otansúigishtikke tárbieleýdi jalǵastyryp keledi. Bul ortalyq jastarǵa shabyt berip, týǵan jerge adaldyqqa jeteleidi» – dedi.
Foto: Primeminister.kz
Ortalyqta aqynnyń jumys kabineti turmystyq zattarymen birge qaita jasaldy, zamanaýi kitaphana, konferents-zal, muraǵat qujattaryn zertteý kabineti jáne «Maǵjantaný» ádebi klýby jumys isteidi. XIX ǵasyr sáýlet eskertkishi mártebesine ie ǵimarat tolyq restavratsiiadan ótken.
Sonymen qatar ortalyq janynda kásipkerler men túrkiialyq metsenattyń qoldaýymen «Maǵjan» art-kompozitsiiasy bar zamanaýi skver salyndy.
Oblys ákimi Ǵaýez Nurmuhambetov:
«Maǵjan – bizdiń óńirdiń maqtanyshy. Bul ortalyq Qazaqstan men shetelden keletin qonaqtardyń súiikti ornyna ainalady» – dedi.
«Maǵjan ortalyǵynyń» ashylýy – uly aqynǵa degen qurmet qana emes, eldiń mádeni biregeiligin nyǵaitý men halyqaralyq deńgeide rýhani murany nasihattaýdyń mańyzdy qadamy.
