Foto: QR OAM
Petropavlda Qozybaev ýniversiteti uiymdastyrǵan «Botai – Uly dala mádenieti» halyqaralyq ǵylymi-praktikalyq konferentsiiasy ótti. Sharaǵa Ázirbaijan, Frantsiia, Túrkiia, Resei, AQSh jáne Qazaqstannan kelgen ǵalymdar men sarapshylar qatysty, dep habarlaidy Ult.kz.
Konferentsiiaǵa QR Premer-ministriniń orynbasary Ermek Kósherbaev, QR Ǵylym jáne joǵary bilim ministri Saiasat Nurbek jáne Soltústik Qazaqstan oblysynyń ákimi Ǵaýez Nurmuhambetov qatysty.
Botai qonysy – b.z.d. IV myńjyldyqqa jatatyn, adamzat tarihynda alǵash ret jylqy qolǵa úiretilgen arheologiialyq eskertkish. Bul jańalyqty 1980 jyldary arheolog Viktor Zaibert ashqan.
Is-shara aiasynda Soltústik Qazaqstan oblysynyń Aiyrtaý aýdanynda halyqaralyq seminar ótti. Munda 15 stýdent arheologiialyq qazba jumystaryna qatysyp, zertteý nátijelerin tanystyrdy. Ekspeditsiiany professor Anatolii Pleshakov basqardy.
Vitse-premer Ermek Kósherbaev Botaidyń Qazaqstan men túrki álemi úshin tarihi mańyzyn atap ótip:
«Botai – bizdiń órkenietimizdiń bastaýy. Mundai muralar bolashaq urpaqty shabyttandyrady jáne týrizm men ǵylymnyń damýyna serpin beredi», – dedi.
Qozybaev ýniversiteti Botaidy saqtaý jáne murajailandyrý úshin Arheoetnopark qurý jobasyn alǵa tartyp otyr. Munda qalpyna keltirilgen turǵyn úiler, mýzei ekspozitsiialary jáne týristik baǵyttar usynylatyn bolady.
