Petropavlda buzaqylyqpen kúresý úshin ár avtoturaq, aialdamalardyń janyna beinebaqylaý kamerasy ornatyldy, dep habarlaidy Petropavl qalalyq ákimdigi baspasóz qyzmeti.
Oblys ortalyǵynda qosymsha jańa 120 beinekamera paida boldy. Bul – qalalyq ákimdiktiń bastamasy.
«Beinekameralardy ornatýdaǵy basty sebep – buzaqylyqtyń aldyn alý. Osylaisha jerge qoqys tastaǵandardy, aialdama pavilonyn syndyrǵandardy anyqtaimyz. Beinebaqylaý kameralary IKOMEK -109 jedel áreket etý ortalyǵymen bailanystyrylǵan», - deidi baspasóz hatshysy Rýfiia Mustafina.
Ótken aptada oblys ortalyǵynyń Novopavlovka kentinde úsh jigit áinekten jasalǵan aialdamany qiratqan. Bul aialdama pavilondarynyń árqaisy 400 myń teńge shamasynda turady. Buzaqylar beinekameralardyń kómegimen anyqtaldy.
