پەتروپاۆلدا بۇزاقىلىقپەن كٷرەسۋ ٷشٸن ەر اۆتوتۇراق, ايالدامالاردىڭ جانىنا بەينەباقىلاۋ كامەراسى ورناتىلدى, دەپ حابارلايدى پەتروپاۆل قالالىق ەكٸمدٸگٸ باسپاسٶز قىزمەتٸ.
وبلىس ورتالىعىندا قوسىمشا جاڭا 120 بەينەكامەرا پايدا بولدى. بۇل – قالالىق ەكٸمدٸكتٸڭ باستاماسى.
«بەينەكامەرالاردى ورناتۋداعى باستى سەبەپ – بۇزاقىلىقتىڭ الدىن الۋ. وسىلايشا جەرگە قوقىس تاستاعانداردى, ايالداما پاۆيلونىن سىندىرعانداردى انىقتايمىز. بەينەباقىلاۋ كامەرالارى IKOMEK -109 جەدەل ەرەكەت ەتۋ ورتالىعىمەن بايلانىستىرىلعان», - دەيدٸ باسپاسٶز حاتشىسى رۋفييا مۇستافينا.
ٶتكەن اپتادا وبلىس ورتالىعىنىڭ نوۆوپاۆلوۆكا كەنتٸندە ٷش جٸگٸت ەينەكتەن جاسالعان ايالدامانى قيراتقان. بۇل ايالداما پاۆيلوندارىنىڭ ەرقايسى 400 مىڭ تەڭگە شاماسىندا تۇرادى. بۇزاقىلار بەينەكامەرالاردىڭ كٶمەگٸمەن انىقتالدى.
