Petropavlda politseiler «Qarasora» operatsiiasy aiasynda zańsyz ainalymnan alǵan 59 kg marihýana joiyldy, dep habarlaidy "Ult aqparat".
Soltústik Qazaqstan oblysy Politsiia departamenti baspasóz qyzmetiniń málimetinshe, Esirtki qylmysyna qarsy is-qimyl basqarmasynyń qyzmetkerleri esirtkiniń kezekti partiiasyn órtedi. Qazan aiynyń sońynda «Qarasora» operatsiiasy aiasynda Petropavlda 59 keliden astam marihýana tárkilendi. Qala kósheleriniń birinde Toyota Mark II avtokóligi toqtatylyp, tintý kezinde kóliktiń júksalǵyshynan úsh qap marihýana tabylǵan. Kóliktegi jolaýshy esirtki qylmysyna qatystylyǵyn moiyndady. Qazir qylmystyq is tergelip jatyr. Sol joly alynǵan 59 keliden astam marihýana prokýratýra men meditsina qyzmetkerleriniń kózinshe qaladaǵy qazandyqtyń birinde joiyldy.
«Esirtki zaty 10 jumys kúni ishinde joiylýy tiis. Karantin shekteýine bailanysty arnaiy komissiiadan basqa volonter men jastar uiymdaryniń ókilderi qatysa almady. Biz olardy únemi osyndai aktsiialarǵa qatysýǵa shaqyramyz. Nashaqorlyqtyń aldyn alýda, esirtki qylmysynyń profilaktikasy negizinde – biz ómirlik ustanymy joǵary jastardy joǵary baǵalaimyz», - deidi SQO PD Esirtki qylmysyna qarsy is-qimyl basqarmasynyń bastyǵy Jandos Basybaev.
Jyl basynan SQO-da zańsyz ainalymnan 400 keliden astam túrli esirtki alyndy. Onyń ishinde 350 kg jýyǵy marihýana, 1 kg 690 g – sintetikalyq esirtki, sondai-aq 372 g - geroin.
